Pa le uq’ijol ri 25 ujunab’ kutz’aqatisaj ri Wokajil Ajchajil Tinamit (PNC), eri ministro rech Gobernación, David Napoleón Barrientos ruk’ ri director General, Héctor Hernández xuquje’ ri taqanelab’ rech ri wokaj ajchajil tinamit, xek’oji pa le nimaq’ij riqoj ib’ xb’antaj ri’ rech xloq’ax kuwach ri ajchajil tinamit ri k’o nim patan xkib’an ri’ pa le nab’e panik’aj uwach ri 2022.
“Kinki’kotirsaj iwach rumal ix utz taq winaq xuquje’ ix utz taq ajchajinel, chib’ana b’a’ jeri’ rech kiya jun utz k’utb’al chi ke konojel ri wokajil ajchajinelab’” xcha’ ri ministro Barrientos.
Eri Hernández xub’ij, “Nim upatanib’al chi ke ri wokajilal ajchajinelab’ ri’ are kajach ri wujil rech kaq’ansax keqale’n keta’mab’al ri e utz taq ajchajinelab’ che ri xkiya kib’ pa k’ax pa le ya’olchajinem kub’sib’al chi ke ri winaqil e aj iximulew. Xuquje’ eri chajinem kib’anom ri’ are la’ ukub’isam uwach ri ya’olchajinem pa le q’atenik k’ax pa we Amaq’”.
Pa le nim okemtzij, eri taqawokajnel rech ri ya’olchajinem pa Amaq’ xuya’ kiwujil rech keqle’n e ajchajil tinamtit ub’i’ Orden de Mérito rech ri Wokajil Ajchajil tinamit , pa le ub’antajil rech “Krus”, chi ke ri e 140 chi eqa’lenelab’ che ri xkib’an nim tijowchuq’ab’ ya’olchajinem kub’sib’al chi ke ri winaqilal ri’.
Eri b’anob’al ri’ are la’ uwach ri cholchak rech uloq’axik uwach kichak patan e ajchajil tinamit, are jun chi ke ri waqib’ uwach nimachak che ri k’o pa le Ub’e’al cholchajinem ri’ ub’i’ Estrategia rech Transformación Policial (ETP), xtaq ub’anik rumal ri Wokom Taqawokajilal rech Iximulew xuquje’ rumal ri Ministerio rech Gobernación (Mingob) ri’.