Rumal k’ut utz rilik xb’an kumal ri winaqil pa tinamit upatanixik ri cholchak rech Motorista Seguro ri’ pa we junab’ ri’ are chomatal chik are kachakux uwach pa le juyub’ tinamit rech Iximulew, Escuintla, Retalhuleu, Zacapa pa taq le nab’e uwach ri junab’ ri’ xuquje’ rech are wa’ kab’an pa taq tinamit pa amaq’ rech junio pa diciembre ri’.
Eri taqim uwach rumal ri cholchak ri’ are rech kaya’taj kuwujil ri e ajkejch’ich’ pa aninaqil ri’, emu wari’ are rajawaxik kakinimaj ri etab’anik kab’an chi ke rech aretaq kaya’ kuwujil pa taq nik’aj chik uq’ab’ tinamit.
Chinaq k’ut kopan che resaxik ri uwuj licencia tipo “M” rajawaxik b’a’ kakik’owisaj k’i uwach etab’anik chi ke are ri’ nab’e q’axnik kakib’ano aretaq kakitz’ib’aj kib’ pa le uwachwuj pa k’amq’aq’nil www.transito.gob.gt pa taq le q’ijol che ri kojom chik pa jujun taq tinamit ri’.
Eri ukab’ q’axnik uwach ri’ are kumajo ri tijonik chi ke xuquje’ rech kilik chinaq winaq ri’ e tz’ib’atal chik keq’alajinik pa le uwachwuj rech ri Departamento rech Tránsito rech ri Wokajil Ajchajil Tinamit xuquje’ pa k’isb’al ri’ are kik’amom b’i kikejch’ich’ ke’opan b’a’ pa le nab’e q’axnik chi rij xuqsuje’ rech te k’u ri’ ke’ok’ow pa le k’utuj ub’inisaxik ri’, chi k’u ri’ kilik we kekowinik kakiq’axaj uwach pa juntir ri’ kaya’ ri’ kuwujil xuquje’ ruk’ wari’ kuk’am ub’e rech kakesaj kuwujil rech kakib’inisaj ri kejch’ich’ pa taq katinamit ri’.
Ronojel we chak ri’ juntir wa’ man tojom taj are wa’ rech ketoq’axik ri e ajb’inisal kejch’ich’ ri’ rech kakisik’ij ri retab’al b’anoj rech tránsito ri’, are wa’ rech utz ub’inisaxik ri kejch’ich’ kumal xuquje’ rech majun kuriq tane’ k’ax pa taq nimab’e rumal ri’ xuquje’ are rech b’a’ keto’ik che kijastaq pa taq kachoch ri’ xuquje’ rech ri e ajchak keto’ik pa le uya’ik kuwujil ri’ maj tojom ta ri’.