Eri tercer viceministerio rech ajq’atel k’ax, Carlos García Rubio, xumaj b’i ujaqik uwach ri K’uttijonem ub’i’ “Ub’e’al una’ojixik, chakub’al rech ch’ob’oj chomanem rech kakojik pa le uq’atexik ri k’ayin awan jastaq ri’”, pa le k’uttijonem chi ke e juk’al chi reqa’lenelab’ ri Wokajil Ajchajil Tinamit (PNC).
Eri García Rubio, xub’ij ucholajil ri’ che ri k’uttijonem k’o kajib’ uwach uya’tajik ri’, are wa’ kumaj b’i keb’ uwach wuqq’ij uya’tajil ri’ xuquje’ ketataben ri’ ri e ajtijoxel reqa’lenel ri División de Investigación Criminal; Subdirección General rech Análisis rech Información Antinarcótica (SGAIA); xuquje’ ri reqa’lenel ri División rech Puertos, Aeropuertos xuquje’ Puestos Fronterizos (DIPAFRONT) ri’.
“Eri taqim ruk’ ri’ are rech ya’el uchuq’ab’ uq’atexik ri k’ayin awan jastaq pa amaq’ ri’, rumal ri’ eri eqa’lenelab’ ri’ ketatab’enik rech te k’u ri’ e are chik kakijipij ub’ixik ri kaketa’maj pa le k’uttijonem ri’, chi ke ri reqa’lenel e ajchajil tinamit rech ri jalajoj taq comisarías e k’o pa we amaq’”, xcha’.
Eri k’uttijonem ri’ are xya’taj loq ruk’ utob’anik ri Fondo rech Reformas Estructurales rech le Agencia Alemana rech Cooperación che ri Desarrollo (GIZ) xuquje’ rech ri Cámara rech ri Industria rech Iximulewal (CIG) ri’.
Eri Javier Zepeda, rech ri Cámara rech ri Industria, xub’ij che are wa’ k’o nim upatanib’al ri chak kab’an pa komon kumal ri taqawokajilal ri’ rech kaq’atexik ri jun b’anoj k’ax ri’, rumal k’ut eri jun k’ax ri’ are la’ qas kuya’ jun nim k’axk’olil karesaj upwaqil umeb’ilal we amaq’ ri’, xuquje’ kub’an k’ax che ri kik’aslemal ri winaqil e aj iximulewal ri’.