Pa 14 rech diciembre ri’, eri q’atb’al tzij rech ri Ministerio rech Gobernación (Mingob) xuquje’ ri Wokajil Ajchajil Tinamit (PNC) xkimaj ri ya’olchajinem pa taq ri k’olib’em pa tinamit, rech kakinimaj ub’aik ri Plan 47-2023 rech Ya’olchajinem pa Nimaq’ij Alaxib’al xuquje’ jalb’al junab’, rech taqim ri ya’olchajinem winaqilal rech uq’atexik b’anoj k’x chi ke ri winaqil ruk’ kijastaq meb’il.
Eri reqa’lenel ri PNC xetaqik pa taq k’olib’alil che ri kak’ulmataj wi ri k’ax ri’, pa taq nim k’ayub’alil, pa kitak’alib’al ch’ich’ rech ereb’al winaq, pa taq ch’ich’ rech q’axeb’al xuquje’ pa taq k’ayij pa tinamit. Eri chajinem ri’ are kab’anik ruk’ chajinem chi rij kejach’ich’ kumal ri PNC kuk’ ri Wokajil Ajchajil Amaq Iximulew rech kakiya kub’al k’u’x chi ke ri winaqilal.
K’a te ri’ xuya ub’ixik ri Ministro rech Gobernación, Byron René Bor, xub’ij che ri e ajchajil tinamit luk’ ri e ajchak rech taq chakuja kek’oji che ya’olchajinem pa le nimaq’ij. “Rumal k’u ri’ ke’uxlantaj; rumal k’ut ketajin che ya’olchajinem pa taq ri nimaq’i rech pa k’isb’al junab’. Na’til chaqe che chi uj kujriqitajik pa ya’olchajinem winaqilal ri’”, xcha’.
Eri nim patanel ri’ xub’ij chi ke ri winaqilal rech we e k’o ajchajil tinamit kakib’an ri k’ax ri’ chakib’ij pa le PNC pa le 1518 rech ri Inspectoría General ri’.
Are la’ uwach ri b’anoj chajinem winaqil kakib’an che kaqan, chi rij kejach’ich’ xuquje’ pa taq ri ch’ich’; jeri’ pa taq k’ayib’al e k’o pa taq ri colonias ri kab’an wi ri k’ax xuquje’ pa taq ri ch’ich’ rech ereb’al winaq.