Are wa’ uwach ko nimatijonem tajin pa amaq’el runimal ri patan tajin rumal ri ministro rech Gobernación, David Napoleón Barrientos ri’, ri xmajtaj ub’anik uwach we kamik ri ukab’laj tijonem chi ke ri ke’ok che reqa’lenel ri División rech Seguridad Turística (DISETUR), xcha’ ri Taqanel Carlos Soberanis Pinelo ri’.
Eri reqa’lenel e ajchajil tinamit rajwaxik kakitijoj kib’ che uch’ob’ik reta’maxik ri’ ri utaqib’al ri tijonem ri’ xuquje’ are la’ rech kakoj pa le ya’olchajinem winaqil chi ke ri e wa’katel winaq rech qatinamit kuk’ ri kepe pa nik’aj chik tinamit ri’, rech kechajin taq nimab’e xuquje’ ri uk’olib’alil wa’katem ri’, rech ketob’anik, rech kakiya’ ub’ixik usuk’al kib’e ri e wa’katel winaq ri’ rech sib’alaj kakib’an rilik ri kajulew k’ache’laj ri’ che ri k’o pa we amaq’, xcha’ ri Soberanis ri’.
Xub’ij chik che rajwaxik kakik’am ri tzijob’enik chi kuwach ruk’ ri Instituto Guatemalteco rech Turismo (INGUAT)ri’, kuk’ taq ri wokajil e ajpatanem winaqil pa tinamit kuk’ ri e k’o e ajchoq’e’il ri kechakun chi rij uwachitzijonem rech ya’el uchuq’ab’ ri ya’olchajinem kub’sib’al k’u’x chi ke wa’katel winaq pa nimatinamit ri’.
Xub’ij ri’ che ri b’anoj tijonem ri’ are kumaj oxib’ ik’ ri’ xuquje’ rech kakitijoj kib’ e 20 chi ixoqib’ xuquje’ e 137 chi achijab’ ri’ rech kakib’an pa ronojel e 157 chi e ajtijoxel ri’.
Pa le loq’ ilb’anem ri’ xetatab’enik ri Subdirector General rech Operaciones Nery Benito ri’, ri Comisario General Irineo Valle Morales Sub Director rech ri Escuela rech Especialidades rech Policía Erick Osoy xuquje’ ri Comisario Taqanel rech ri DISETUR ri’.