Pa 10 rech febrero ri’ xmajtaj ri Ukab’ Uwach Panik’ajil Tijonem rech Inglés Tzij, chi ke e 25 reqa’lenelab’ ri Comisarías xuquje’ ri Unidades Especializadas rech ri Wokajil Ajchajil Tinamit (PNC). Eri b’anoj tijob’enik ri’ are la’ xb’antaj pa le Teatro Dick Smith rech ri Instituto Guatemalteco Americano (IGA), zona 4 pa uk’u’x nimatinamit.
Pa le tzijob’enik xub’an ri Taqawokajnel Ya’olchajinem pa Amaq’ xub’ij ri’ eri ukab’ kuwach ri puq ajtijoxel e reqa’lenel ri wokajil chajin tinamit, xkimaj kut katijoxik kib’ pa keb’ uwach Tzij, are la’ k’o jun nimalaj upatanib’al pa le Ub’e’al ri Cholpatan Tijonem rech ri Ub’e’al rech Transformación Policial ri’, ri xtaq ub’anik rumal ri K’amal b’e Amaq’ Iximulew pa reqele’n ri Ministerio rech Gobernación (Mingob) ri’.
Pa le b’anoj tijonem rech ri inglés Tzij ri’ are la’ ri upatan ri jun cholchak che ri katajin ub’anik pa le 2022 kuk’ ri q’atb’al Tzij rech ri IGA. Chomatal chik rech kamajtaj katijoxik ri puq ajtijoxel ri urox uwach tijonem chi ke e 75 chi e ajchajil tinamit. “rech ke’ok ajchajinel rech kakich’ob’ ketzijon pa le jun chik utzalaj Tzij ri’ pa le wokajil chajinem ri’”, xcha’ ri Ministro rech Gobernación ri’.
Jun chik katijoxik ri ajchajin tinamit
Eri K’amal B’e rech ri PNC, xub’ij che we tijonik ri’ are kuya’o uchuq’ab’alil ri uchak chajinem ri PNC ri’, rech kub’an jun utzalaj chajib’al ri winaqil tinamit ri’ “rumal ri’ kinb’ij chi ke ri e ajchajinelab’ rech kek’oji b’a’ pa le ukab’ uwach tijonem ri’, rech chakikojo kichuq’ab’ rech kakik’is uwach ri tijonem pa le Tzij chi ke ri’”.
Rumal ri’, eri K’amal B’e Taqanel rech ri IGA, Ana Sylvia Ramírez xub’ij che nimalaj kaki’kotik chech ri b’anoj tob’anem pa le tijonem pa ki’eb’ uwach Tzij chi ke reqa’lenel ri wokajil ajchajin tinamit.
Eri tijonem ri’ are kuya uchuq’ab’ ri keta’mab’alil ri kichak, rech are kataqixik ub’anik jun utzalaj ilonem nimanik chi ke ri winaqil e aj iximulew xuquje’ ri winaqib’ che ri kepe loq pa qatinamit.
Tijob’enik pa keb’ Tzij
Eri katijoxik pa kawinaqil ri’ are la’ kab’an pa taq lunes pa viernos ri’ pa 8:00 a 12:00 pa le rachochib’al ri IGA ri’, k’o pa zona 4 rech pa uk’u’x nimatinamit ri’. Eri tijob’enik ri’ are la’ kab’an chi kuwach pa kiwunaqil ri’, kumal ri ajtijonel ri kena’w che ri tijonem rech le Tzij ri’.
Eri eqa’lenel xecha’ik e rajchajinel ri Subdirección General rech Investigación Criminal ri’, rech ri Subdirección General rech Personal ri’, rech ri División rech Seguridad Turística ri’, rech ri División rech Fuerzas Especiales rech Chajin tinamit ri’, rech ri División rech Operaciones Conjuntas ri’, rech ri Wokaj Ajchajinelab’ K’ache’laj ri’ xuquje’ rech ri Inspectoría General ri’. Jeri’ rech ta ri Comisarías 11, 12, 15, 22, 34, 42 xuquje’ 73 ri’.