Eri Ministerio rech Gobernación pa reqele’n ri Quinto Viceministerio, xumaj pa marzo rech 2021, xq’axitaj loq ri uk’u’x b’anob’al awan kunb’alil, k’a pa jalajoj taq nimaja k’olib’al, pa portuarios ri’, are rech taqim uchajixik ub’anik utz che ri nima rachoch ri portuaria pa we amaq’ xuquje’ rech kab’an utzilem che ri rulewal tinamit ri’.
Eri qas b’anoj chakunem ri’ are la’ xb’antaj upatanaxik rumal ri Unidad Especial Antinarcóticos (UNESA) pa komonb’al ruk’ ri Subdirección General rech Análisis rech Información Antinarcótica (SGAIA) xuquje’ ri Wokajil Ajchajil Tinamit (PNC), sib’alaj utz ri chak kib’anom ri’ pa le uq’axitajik ri 39 chi kaxonach’ich’ ruk’ kab’lajuj chi kaxonach’ich’ chik ruk’ 838,885 nim upajb’alil ri uk’u’x awan kunb’alil ri’ pa le nimaja k’olib’al rech ri kaporox wiri’.
Pa miércoles ri’ 28 rech septiembre xq’axitaj kajib’ kaxonach’ich’ rukp 73.48 toneladas métricas rech uk’u’x b’anob’al awan kunb’al rech kaporox ri’ rech kanimaxik ri xub’ij ri q’atb’al tzij ri’.
Pa ik’ junio kanoq, xb’antaj kowonem xq’axaxik 12 chi contenedores ruk’ precursores químicos, are la’ qas nim ri’ ri ilom pa le k’isb’al taq waqib’ junab’ ri’ pa le kaq’atexik ri narcotráfico ri’, pa le uporoxik ri uk’u’xal b’anob’al awan kunb’alil.
Pa nab’e q’ij rech enero k’a pa we q’ij kamik, k’o chik 506 chi toneladas métricas rech precursores xuquje’ sustancias químicas ri porom chik.