Xriqitaj ch’aweb’al ruk’ jastaq puch’b’al pa tzukunem xb’an pa Japache’

Are rech kataqix ri b’anoj tzukunem pa taq ri japache’ tz’apib’al rech uq’atexik ri jastaq maj pa usaqil pa japache’ ri’, eri reqa’lenel ri unidades especiales rech ri Wokajil Ajchajil Tinamit (PNC), ri e ajchajinel rech r Grupo Élite xuquje’ rech ri Subdirecciones rech Análisis, Inspectoría xuquje’ Tzukunem rumal ri Sistema Penitenciario (SP) ri’, xkib’an ri’ jun tzukunem pa le Rachoch Japache’ Tz’apib’al rech Canadá, Escuintla ri’.

Eri wokajil ajchajil tinamit xkib’ij loq che pa le b’anoj tzukunem ri’ xriqitaj yab’al uq’aq’ ch’aweb’al, kolob’ch’ich’ rech internet, puch’b’al, etz’ab’al rech kapoq’saxik, xuquje’ keb’ chi ch’aweb’al man utz ta chik.

Pa le b’anoj tzukunem ri’ pa le rachoch japache’ xetob’anik ri agentes caninos k-9 ub’i’ RExo rech ri División rech Investigación xuquje’ Desactivación rech Armas xuquje’ Explosivos (DIDAE) xuquje’ Alice rech ri Subdirección General rech Análisis rech Información Antinarcótica (SGAIA) ri’.

Eri b’anoj tzukunem ri’ are la’ xb’antaj ri’ rech pa unimaxik ri ri b’anoj tzukunik xtaq ub’anik rumal ri Wokom Taqawokaj rech Iximulew xuquje’ rumal ri Ministerio rech Gobernación (Mingob) ri’ rech uq’atexik ri b’anoj k’ax toq’inik pwaq ruk’ ri jastaq maj pa usaqil ri’.

Ultimas noticias

Alerta de Corrupción