K’o jun nim eqa’n awan kunab’al xriqitaj ruk’ jun winaq xchapik pa jun tzukunem q’atenik xb’an chaq’ab’ iwir kumal le reqa’lenelab’ le Subdirección General rech Análisis rech Información (SGAIA), rech ri Wokajil Ajchajil Tinamit (PNC), pa le kilómetro 236 rech le nimab’e ruta CA-2, pa juyub’akl rech le aldea Las Palmas, Coatepeque, Xe’laju’ ri’.
Chi la’ k’ut xchap wi jun achi ub’ui’ a Jeremías Santiago, 42 ujunab’, ri kab’ixik reqam b’i 99 chi pisob’al awan kunab’al ri’ reqam b’i pa jun ch’ich’ camioneta ruk’ ri placas P 517KGD rech b’insal ri’. Le jun winaq ri’ are chi’ xriqitaj kumal le a’ejchajinel, xraj xuwaj rib’ xranij rib’ ri’, rumal ri’ xchap pa 900 chi etok’al raqan b’e ri’ are chi’ xok pa jun nimaja ri telik le tinib’al rech ri’.
Le Ministro rech Gobernación, Francisco Jiménez, xuya utzijol ri’ che ri eqa’n awan kunab’al ri’ xriqik eri rajil k’o 10 millones chi pwaqil ri’. Xuquje’ sib’alaj xuya utzijol ruk’ le nim q’atenik ri narcotráfico pa rulewal tinamit are la’ jun nim q’atenik xb’antaj ri’.
Pa le solin le ch’ich’ ri’ eri reqa’lenel ri e’ajchajil tinamit xkiriq 96 chi pisom awan kunab’al pa le ch’ich’ ri’ xuquje’ k’o oxib’ chik pisom pa nylon xriq pa le t’uyub’al k’o chi rij. Are chi’ xb’an le rilik ri xriqik, xq’alajinik chi are cocaína ri’. Ri are kab’ixik chi are eqa’m awan kunab’al tajin uq’axexik b’i pa le frontera ruk’ México.
Eri wokajil ajchajil tinamit pa komonchak ri’ chi kuwach le q’atol tzij rech ri Ministerio Público (MP), ri xkipiso b’i le eqa’n awan kunab’al ri’. Rech te k’u ri’, sib’alaj chajim xk’am b’i pa le k’olib’al jastaq rech ri SGAIA k’o pa le zona 6 rech uk’u’x nimatinamit.