Are chi’ xya’taj kitzijol pa le Alerta Alba Kenneth xuquje’ Isabel Claudina, eri reqa’lenelab’ ri Investigación Criminal rech Villa Nueva ri’ xkiriq keb’ chi alitomab’ ri’ 17 ujunab’ jun eri jun chik 20 ujunab’ ri’ ri xeriqitajik pa taq ri rulewal tinamit ri’.
Pa le 2a. calle C lote 104 xuquje’ 105 colonia Lupita, Amatitlán ri’, xriqitaj wi jun ali 16 ujunab’, kab’ixik ri xa’ xranij rib’ xresaj b’i rib’ pa rachoch rumal kunimaj ta tzij, eri unan are xuya’ ub’ixik utzijol ri’.
Eri jun chik are xriqitaj pa le jun nimaja, k’o pa le lote 64 finca El Cielito, Pinares del Lago, zona 4 rech Villa Nueva, rumal kab’ixik kunimaj ta tzij xresaj b’i rib’ pa rachoch ri’.
Eri keb’ alitomab’ ri’ xek’am b’i pa le Procuraduría General rech ri Amaq’il ub’i’ (PGN), rech kesax ub’ixik che e sachinaq rumal xeriqitaj ri’.
Xriqitaj jun alaj ala
K’o jun alaj ala wajxaqib’ ujunab’ ya’om utzijol pa le alerta Alba-Kenneth che sachinaq pa le 17 rech julio kanoq, ri are xriqitaj loq kumal reqa’lenel ri comisaría 33 rech ri Wokajil Ajchajil Tinamit ub’i’ (PNC), pa le rachoch jun rachalalil k’o pa le zona 2, Cuyotenango, Suchitepéquez ri’.
Eri uch’utinan ri ak’al ri’, xub’ij che ri unan are xopan che uya’ik kanoq pa le rachoch, man reta’m taj jasche’ xub’an wari’ rumal ri’ xuya’ ub’ixik utzijol ri alaj ak’al ri’. Rumal ri’ eri q’atb’al tzij ketajin che uterne’xik utzukuxik uwach wari’.