Paq’ij viernes 13 rech enero, eri reqa’lenel ri Comisaría 73 rech ri Wokajil Ajchajil Tinamit (PNC), pa komonchak kuk’ ri q’atol Tzij rech ri Ministerio Público (MP) xkib’an jun nim tzukunem, solinem ri’ xuquje’ xkiriq k’i taq jastaq q’alajisab’al pa jun nimaja k’olib’al ri’ kikojom che kachoch ri Mara Salvatrucha, pa le zona 1 rech Chimaltenango ri’.
Pa le tzukunem ri’ xriqitaj jun nimak’ak’pulunk’un ri’ Uzi, 81 ub’aq’ k’aqb’al utz kakoj ri’ xuquje’ 2 chalecos portamedios ri’. Xuquje’ xriqitaj jun camioneta marca Honda CRV, eri placas reqam ri’ P-751GVV, ri kab’ixik xeleq’ax b’i pa le 12 calle xuquje’ 2ª avenida, zona 14 pa uk’u’x nimatinamit, pa le 8 rech agosto rech 2022 ri’.
Are chi’ xilotaj utzijol pa le wokajil ajchajil tinamit , xch’ob’otaj uwach ri placas reqam ri’ P-776GMF, rech le ch’ich’ che ri eleq’am b’i. Emu wa’ le placas ri’ P-751GVV, rech le jun ch’ich’ marca Hyundai, che ri xeleq’ax pa le 8 rech octubre rech pa junab’ri pa Escuintla ri’.
Eri q’atb’al Tzij xkib’ij ri’ chuwach ri nimaja xtzukux upam ri’, chi la’ k’ut xriqitaj le jun kejach’ich’ are le placas reqam ri’ M-649GLG, ri xeleq’ax b’i iwir pa uq’ab’ ri ajchoq’e chi la’ pa jun k’olib’em ub’i’ Buena Vista rech pa rulewal tinamit le’.