Pa jun puqtzukunem rech sak’ajil xb’an kumal reqa’lenelab’ ri División Especializada rech Investigación Criminal (DEIC) rech ri Wokajil Ajchajin Tinamit (PNC) xkichap loq jun winaq ajk’ayil awan kunb’al pa le colonia Santa Luisa, zona rech uk’u’x nimatinamit. Pa le puqtzukunem ri’, eri q’atb’al tzij xkichap loq e’oxib’ chi uwinaqil ri barrio 18, pa le xkiriq wi loq k’ilaj uwach taq chi awan kunb’al ruk’ jun ub’anikil rech videovigilancia ri awalik xkiriq chi la’ k’ut, are kab’ixik pa le xkib’an wi le rilik kopanib’al ri e’ajchajin tinamit chi la’ k’ut.
Pa le solinem ri’, eri q’atb’al tzij xkichap loq a Erick, ri “Canche” ub’i’ ukojom, 31 ujunab’; al Christian “N”, 25 ujunab’; xuquje’ al Jazmín “N”, “Majo” ub’i’ ukojom, 26 ujunab’, kab’ixik e’are k’ut kakib’an ri k’ayin awan kunb’al chi la’ k’ut.
Are chi’ xechapik, xriqitaj kuk’ 109 chi k’olib’alil ruk’ marihuana, 56 chi pisob’al rech crack xuquje’ ruk’ waqib’ t’u’y k’olib’al ruk’ cocaína. Xuquje’ k’o oxib’ chi dólares b’otolik xriqitajik, ruk’ keb’ chi ch’aweb’al rech eqam, ruk’ jun kemechakub’al rech katz’ib’ax b’ix achib’al qulaj (DVR) ruk’ jun wujb’al rech esam pwaq. Eri jastaq ri’ are la’ xpisik ri kak’am b’i pa q’atb’al tzij rech kuya’ uchuq’ab’ ri tzukunem tajin chi rij.
Eri uwach taq ri utzukuxik, eri reqa’lenelab’ ri Subdirección General rech Tecnologías rech ri Información xuquje’ ri Comunicación (SGTIC) xkiriq loq 11 chi esal rachib’al pa videovigilancia ri’ ri kojom chi rij taq ri nimaja ri xsolixik. Are la’ kab’ixil. Are la’ kojom chi la’ kumal nik’aj b’anol k’ax ri’.
Rumal ri’ eri PNC sib’alaj xuya utzijolil che ri ub’anik taq ri puqtzukunem ri’ are la’ katob’anik pa le resaxik kichuq’ab’ nik’aj molaj b’anol k’ax ri kakib’an k’ayin awan kunb’al xuquje’ rech kakisuk’ub’a kakib’an k’ub’al k’u’x che taq ri uk’olib’al uxlanb’al ri’ chi ke taq le winaqilal rech taq le tinamit ri xb’an wi k’ax kumal nik’aj b’anol taq k’ax. Rumal ri’ xub’ij che ri eqale’n chak ri’ are la’ katanab’ taj ub’anik kumal ri sak’ajil ajtzukunelab’ rech uq’atexik taq ri k’ayin awan kunb’al ri’ rech uq’atexik taq nik’aj b’anol k’ax pa amaq’ tinamit.