Are taqim uq’atexik ri toq’inik pwaq kumal elaq’omab’ ri’ xuquje’¿ rech k’o ya’olchajinem winaqil e a iximulew ri’, pa le ik’ rech diciembre ri’, rumal ri’ eri Q’atb’al tzij rech ri Wokajil Ajchajil Japache’ Tz’apib’al (DGSP), xkib’an k’i taq b’anoj tzukunem pa le juk’al keb’ uwach rachoch ri jatz’apib’al pa we amaq’.
Eri xriqitaj k’ut are la’ xutaq ub’anik rumal ri q’atb’al tzij rech ri Taqawokajnem Ya’olchajinik pa Amaq’, pa reqele’n ri Ministro Gendri Rocael Reyes Mazariegos, xuquje’ kumal ri q’atb’al tzij rech ri jatz’apib’al ri’, rumal ri’ xkib’an pa ronojel k’i taq tzukunem chi la’ kumal ri wokajil e ajchajinel ri’, rumal ri’ xriqitajik 118 chi ch’a’wib’alil juntir wa’ pa le ik’ diciembre ri’.
Xuquje’ eri Ministerio rech Gobernación xub’ij che ruk’ ri jujun chi ch’a’wib’alil xriq ri’, xq’atexik qaraj juk’al uwach chi b’iw ub’ixik b’anoj k’ax toq’inik pwaq ri’ ronojel q’ij.
Sib’alaj kaya’taj ub’ixik che ri DGSP are kub’an k’ut kachajixik ri puq taq winaq e tz’apil chi’, e pa le junab’ 2021 xkowonik xuriqo 781 chi ch’a’wib’alil ri’.