Ruk’ ri utz’aq uwach ri nimab’e rech 2.54 kilómetros rech San José del Golfo, kab’e pa le finca Estanzuela xuquje’ Navajas, eri q’atb’al tzi rech ri Ministerio rech Gobernación ri’, xkimaltyoxij ub’anik ri nimab’e xb’an rumal ri taqawokajil rech Comunicaciones Infraestructura xuquje’ Vivienda (CIV) ri tob’anik xub’an ri’, rumal k’ut are la’ kuya’ pa retal ri b’anoj uchak upatan ri Quinto Viceministerio Antinarcótico ri’.
Eri David Napoleón Barrientos, xub’ij che ri ub’anik ri nimab’e ri’ are la’ rech kuya’ uchuq’ab’ uchak ri e’ajchajil tinamit, jeri’ chi ke ri winaqilala ri ejaqal pa San José del Golfo, Iximulew ri’.
Jeri’, pa jun k’otoj tzij xb’an chi’ rumal ri CIV chi ke ri winaqilal chi’, ri xkib’ij che are chi’ k’o ri jab’ eri nimab’e man tz’aqim taj are chi’ kub’an k’ax kuq’atij kib’e ri e’ajk’ayinelab’ xuquje’ ri ja’ chi’, emu wari’ are chik utz kub’an ri’.
Eri patanel rech ri CIV, Javier Maldonador, xub’ij che are wa’ jun nimachak xb’antaj ri’ ruma are kiya’ utzilem chi ke e keb’ mil chi winaqilal chi’.
Pa k’isb’al ri’ eri q’atb’al tzij xewa’katik xeb’in pa le nimab’e tz’aqim uwach ri’, rech xe’opan pa le Finca Estanzuela ri’ chi la’ k’ut kariqitaj wi ri uk’olib’alil rech porob’al ri uk’ux’ awan kunb’alil ri’.