Xtaq ukojik ri Korlim Ya’olchajinem pa jo’lajuj q’ij pa San Marcos ri’

Pa le decreto Gubernativo rajilab’al 2-2021, we kamik xya’taj utzijolil pa le Diario Oficial, ri Korlim Ya’olchajinem xtaq ukojik pa Malacatán, San Marcos, pa jo’lajuj q’ij ri’, rumal k’ut e pa rulewal uq’ab’ tinamit ri’ k’o ch’a’ojinem b’anoj k’ax kab’an ri’, rumal man k’ot chik kub’sib’al k’u’x kek’oji le winaq chi’ rumal k’ut keriqitaj nik’aj winaq chi’ che ri kakaj kakib’an k’ax chi ke ri winaq chi’, ri man utz ta kakilo keriqitaj pa jikomal joremal chi’.
Eri taqonatzij ri’ man kuk’ule’lej ta rib’ ruk’ ri ya’talil winaqil ri’ rech b’a’ maj jun kub’an tane’ k’ax chi ke ri winaqil e jaqal chi’, ri jalan uwach kib’antajil, ub’antajil kitzij kich’ab’al, kiq’ijob’al xuquje’ ri xa’ pawje kepe wiri’. Jeri’ man k’ot jun winaq kaq’atex uwach rech k’o kuta pa q’atoj tzij ri’.
Eri q’atb’altzij rech jujun taq wokajil patan pa amaq’ che ri ketatab’enik pa le ukojik ri Korlim Ya’olchajinem rech q’atenik k’ax rajwaxik b’a’ kakiya’ utzijol ub’ixik ri’ xuquje’ rajwaxik pa komon kakib’an wa’ kuk’ ri q’atb’altzij rech pa taq tinamit ri’ rech taq ri rulewal taqom wi ukojik ri’ we jun Decreto Gubernativo ri’.
Pa k’isb’al rech, xb’ixik che rajwaxik kajach jun ub’ixikil che ri K’amal b’e Amaq’ chi rij taq ri ya’olchajinem kab’anik, pa le oxib’ k’isnaq chik ri Korlim Ya’olchajinem rech q’atel k’ax ri’.