Pa ronojel k’o Q88 millones 834 mil 872 chi pwaqil are panik’aj chik ri aguinaldo xtoj chi ke reqa’lene ri Wokajil Ajchajil Tinamit (PNC), ri maja’ tojom chi ke ri’.
Pa le unimaxik utojik ri kajil ri’ are wa’ xuya’ utzijol ri K’amal b’e Amaq’ rech ri Amaq’il, Alejandro Giammattei Falla, pa taq le uwachwuj chi ke taq winaqilal ri’, chi’ k’u ri’ xya’taj wi ub’ixik ucholaj ri’ che ri taqanel pa amaq’ ri’ are kuterenb’ej uchakuxik ri ya’talil chi ke konojel ri winaqil e aj iximulew ri’.
“Jacha’ ri xinutaqo upatanixik ri’, xtojtaj k’ut chi ke ukab’ uwach ri aguinaldo chi ke ri PNC rech Iximulew ri’” xcha’ aretaq xutz’ib’aj loq ub’ixik ri Giammattei Falla.
We kamik eri wokajil ajchajil tinamit are wokotal uwach kumal e 34 mil 750 chi achijab’ xuquje’ e 6 mil 722 chi ixoqib’ ri’, are ri’ xtojtaj chi ke jacha’ ri q’ij ketajin chik pa chakunem ri’ xuquje’ jacha’ ri keqale’n ri k’o pa le wokajilal ri’.