Eri taqanel rech ri Departamento rech Tránsito rech ri Wokajil Ajchajil Tinamit (DTPNC), Edgar Mazariegos, xuya pa k’utem paq’ij kamik kuk’ ri chomanel rech ri policías municipales rech tránsito xuquje’ rech e ajkejach’ich’ ri’, ri Cholchak rech Seguridad Vial ri kab’an ri’ pa le Kab’ik ri Caravana rech ri Zorro ri’.
“Pa komonchak xaqataq ub’anik ri cholchak rech chajinem ri’ kuk’ ri jalajoj wokajilal che ri e ajilol ub’anik ri Caravana rech ri Zorro ri’, rech taqim uq’atexik riq’oj k’ax kumal ri’ pa nimab’e”, xcha’ ri taqanel rech ri Departamento rech Tránsito rech PNC ri’.
Xub’ij chik che rajwaxik eri e ajkejach’ich’ man kakititz’o ta kib’ chi rij taq ri kejach’ich’, chakikojo b’a’ ri tob’al kijolom pa le juntir ri b’enam, chakib’inisaj b’a’ pa utzilem nojimal ri kich’ich’ ri’ xaq makirumumij kib’ chi rij ri’, mech’a’w pa ch’aweb’al are chi’ e b’enaq, makitijo tzam ri’, chakinimaj b’a’ retal taq k’utb’e k’o pa nimab’e xuquje’ makikojo ri audífonos are chi’ e b’enaq chi rij ri kejach’ich’.
Eri Mazariegos sib’alaj xub’ij che kechajin ri’ ri reqa’lenel ri DTPNC xuquje’ ri rajchajinel ri jujun comisaría rech taq ri rulewal tinamit ke’ok’ow wiri’ le e 60 mil chi motoristas che ri keb’e pa le nimalaj b’enam pa le Basílica rech Esquipulas, Chiquimula ri’.
Eri uwach ri Cholchak rech Chajinem rech K’utb’e pa nimab’e, ri xuya’ ub’ixik rumal ri Taqanel rech ri Departamento rech Tránsito, Julio Chaicoj, xub’ij k’ut pa le 30 rech enero pa le kajib’ rech febrero, kab’an ya’ltzijolil ri’, rech chajinem seguridad vial xuquje’ ri ucholalejil.