Eri ministro rech Gobernación, David Napoleón Barrientos, ri viceministros xuquje’ ri taqanelab’ chajin tinamit xek’oji pa le yab’al k’utem rech ri Ub’e’al Chak Patan rech Uk’iyemal ri Wokaj Chajinem Tinamit ri’.
“Kojtajin che uchakuxik uwach jun ub’e’al chak patan, pa le uq’ijolal rech kutz’aqatisaj 25 ujunab’ ri Wokaj Ajchajin Tinamit (PNC) ri’, rumal ri’ kaqab’ij uj che we q’ij kamik k’o pa uya’telil rech k’o jujun taq itzelal qilom chik rech kasuk’umax uwach ri’ rech kya uchuq’ab’ ri utz taq b’anoj ri’ pa le ya’olchajinem winaqilal”, xcha’ ri rajpatanel ri taqawokaj ya’olchajinem pa we Amaq’il.
Xub’ij ri’, eri jun chi ke ri runimal ri Ub’e’al Chak Patan are ri tijonem tijob’enik xb’an pa le umajik ri uq’atanik, are kuk’ut uwach, ri nuk’chomab’al rech ya’olchajinem tajin ukojik rumal ri Ajchajin Tinamit rech Colombia ri’ xuquje ruk’ ri ropanik ri’ ri K’amal b’e amaq’ Ivan Duque, rech xpe xub’’ij ri tob’anem kub’an che we ri’. Xuquje xub’ij che pa jun ik’ chik are chi’ xmajtaj retaxik ub’anik ri cholchak ri’ ruk’ ri Instituto Guatemalteco Americano (IGA), chi la’ k’ut ketijox wi ri e ajchajin tinamit rech ketijox che ri tzij inglés.
Eri ministro xub’ij eri yab’al uq’ij kichak patan e ajchajil tinamit ri’ are la’ jun chik uwach ri nimachak kab’an ri’ rech Uk’iyemal ri Taqawokaj Ajchajin Tinamit, we q’ij kamik tajin uya’ik pa saq juntir ri chakub’al chokonsab’al ri’, jeri ri atz’iyaqb’alil xuquje’ ri kiwa rikil chi ke ri rajchajinel ri keb’ comisarías che ri ke k’o pa le zona 1 pa nimatinamit xuquje’ pa Mixco ri’.
“Are wa’ kuya nim utzilal chi ke ri e ajchajin tinamit rumal man tojom taj ri wa rikil kya chi ke, are la’ rech k’o kakil che ri kipwaq kirajil kya na chi ke Q1000 chi ik’ ri’.
Eri Barrientos Girón xub’ij che ri Ub’e’al Chak Patan are jun nimcholchak, ri rajwaxik katerenb’ex ub’anik rech kuya uchuq’ab’ runimal uk’iyemal ri wokajilal ri’.
Xuquje xub’ij che ri Fundación rech ri Uk’iyemal ri Iximulew (Fundesa) are jun pa le wa’lijsab’al ri’, rech kataqixik ub’ixik chi ke ri winaqil rech kakich’ob’ uwach ri kchak patan ri PNC xuquje’ ri ch’ob’otal chak rech ri Estrategia rech Transformación Policial ri’.
“Jaqatal uwach ri ruchi’ nimrachoch ri Ministerio rech Gobernación ri’, chi kuwach ri kakaj ketob’anik ruk’ le cholchak ri’ pa we Amaq’”, xcha’.