Ruk’ jun nimalaj loq’ab’alil xjach b’i ri tz’i’ reqale’nel K-9 xch’ab’ex b’i kumal ri rajchakunel ri Dirección General rech ri Sistema Penitenciario (DGSP), ri Nuevo Modelo rech Gestión Penitenciaria xuquje’ ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC). Ri ya’b’al uq’ij rumal xkam b’i are xb’an pa le 12 rech abril, pa le rachoch tijob’al Escuela Centroamericana rech Entrenamiento Canino (ECEC) k’o pa Barberena, Santa Rosa ri’.
Pa marzo rech 2015 ri’, eri Rexis xjach rumal ri Oficina Internacional rech Asuntos Antinarcóticos xuquje’ Kojob’ (INL, ub’i’ pa inglés Tzij ch’ab’alil) rech ri Embajada rech Estados Unidos rech América pa uq’ab’ ri K’amal B’e Amaq’ Iximulew, jeri’ are uwach ri eqele’n chak kumal ri keb’ nimatinamit ri’ pa le kaq’atexik ri narcotráfico xuquje’ ri nuk’wokaj kamisanem ri’.
Eri K’amal B’e rech ri Sistema Penitenciario xub’ij che ri eqa’lenel ri’ Rexis are xchakun pa le Unidad K9-SP k’a 2019 pa le 11 rech abril rech pa junab’ ri’, chi’ k’u ri’ xk’oji pa jalajoj b’anoj taq puqchajinem solinik ri’ xuquje’ pa taq ri tzukunem xb’an pa taq ri japache’ tz’apib’al rech pa qatinamit. “Pa taq ri nimaq’ tzukunem xk’oji wi are k’o nim upatanib’al pa le uriqik taq awan kunab’al ri’, pa le uto’ik wari’ ri b’anoj chajinem tzukunik pa le Rachoch Japache’ Tz’apib’al ri’”, xcha’.
“Eri jun utzalaj uk’uta’n tz’i’ eqa’lenel ri’ are xb’an utijojxik kumal ri ajchajil tinamit rech kutzukuj awan kunab’al, wujpwaqil, ch’aweb’al, k’aqb’alil xuquje’ poq’sab’al pa taq rachoch ri ECEC, chi’ k’u ri’ paq’ij kamik kaqaya wi jun nim uq’ijol ri tz’i’ eqa’lenel xkamik rumal k’o jun tijowchuq’ab’ chak xub’ano pa le kachajixik ri winaqilal e aj iximulew”, xcha’ ri K’amal B’e rech ri Escuela Canina rech ri PNC.
Eri wokajil ajchajil tinamit ri’ e are xetelen b’i rech ri uch’akul ri tz’i’ reqa’lenel K-9 ub’i’ Rexis, rech xk’am b’i xa’muq kanoq, pa uwi’ umuqib’al k’o saq kotz’i’j q’an kotz’i’j xya pa uwi ri’.