Xya’taj ub’ixik ucholaj ri wuj kata’ik rech kakoj jun jachakunb’al rech ya’olchajinik k’o ajchoq’e

 

Are taqanotzij are qas kub’ij ucholaj jas katz’ib’axik ri empresas rech ya’olchajinik k’o ajchoq’e kakojik, rumal ri’ eri Q’atb’altzij rech ri Dirección General rech Seguridad Privada (DIGESSP), Sergio Vela, che rajawaxik b’a’ kakinimaj utz’aqatisaxik uwach ri wujil kata chi ke pa le uwach ri’.

Eri nab’e uwach kakitz’ib’aj kib’ ri’ are pa le Registro Mercantil, chi’ k’u ri’ kaya’ wi chi ke ri rajilab’al kuwuj xuquje’ chi’ kakinojisaj wi ri kata chi ke, chi’ kakijach wiri’ rachib’al ub’anik ri jachakunb’al ri’, jawchi’ kak’oji wi, kib’i’ rajchak, katz’iyaqb’al, jachike uwach chak kakib’ano, juntir ri ya’tal chi ke, k’a jumpa’ kel loq ri rajilab’al ri’. Eri ukab’ uwach ri’ katz’ib’axik ri’ are rech kakiya’o b’a’ ri wujil kata chi ke pa le (DIGESSP), ruk’ juntir le wujil rech xkitz’ib’aj kib’ pa le SAT, ruk’ ri torb’al jachakunb’al ri’, katz’iyaqb’al, kach’ich’ kik’aqb’alil katz’ib’am pa le DIGECAM, xcha’ ri K’amal b’e Sergio Vela.

Xub’ij chik aretaq kasolitaj uwach rech kilik we xkinimaj ujachik ri wujil xtaq chi ke rech ketz’ib’axik, chi’ k’u ri’ ke’il wi rech kakinimaj b’a’ ri wujil tam chi ke, eri qas k’o pa uq’a’il rilik eri k’aqb’alil che ri kakol wi ri k’aqb’alil.

Chi’ k’u ri’ kil wi jun upam ja sib’alaj tz’apilik, ri block rech ri kajib’ upam ri ja k’olib’al, ri majun uwantana, k’o uwi’ tz’aqom, k’o jun utinib’alil ri qastzij kukub’isaj utz’apixik upam wari’, ruk’ taq ri candados k’o upasil, ruk’ xib’ib’al b’anoj chajinik, qas utz we k’o tob’al kojom chi rij, ruk’ resab’al rachib’al chi upam xuquje’ chi saq ri’, ruk’ una’b’alil we k’o kasolib’ik, rech are wa’ majun kareleq’aj ri k’aqb’alil chi’.

Eri uwujilal k’o pa saqil ri e ajchajinelab’ ri’

Eri Vela, xub’ij chi ke taq ri wujil che ri kakitunu uwach ri e ajchajinelab’, eri e ajchajinel rajawaxik tz’aqatil  kijunab’, k’o kuwujil rech xkitijoj kib’, rajawaxik kuwujil rech xetijox che ri chak ri’, pa le wujil ri’ kub’ij wi xeno’jixik xuquje’ katz’ib’am wi ri xtaq chi ke.

Eri DIGECAM are ketab’an kech chi rij ukojik ri k’aqb’alil, rajawaxik k’o kuwujil DPI, kuwujil rech kalaxib’al xuquje’ kuwujil rech ya’tal chi ke ke’ok che ajchajinelab’.

“Eri etab’anem kab’an chi ke rumal ri DIGESSP are k’o kuwuj rech xkik’is uwach xkitijoj kib’ pa le Uwachwujil (Página Web) ri’, are ya’tal ri’ rech kakil uwach kumal ri e ajchajinelab’ ri’”.

Alerta de Corrupción

Ultimas noticias