Eri tercer viceministro rech Prevención rech ri B’anoj K’ax ri’, Ronald Portillo, ri coordinador general rech ri Unidad rech ri Prevención Comunitaria rech ri K’ax ub’i’ (UPCV), José Prado, ri subdirector general rech Prevención rech ri B’anoj K’ax ri’ rech ri Wokajil Ajchajil Tinamit ub’i’ (PNC), Néstor Diéguez, xek’oji pa jun ya’ltzijolinem ri xkitzijoj wi ri b’anoj q’atenik k’ax ri’.
Eri tercer viceministro ri’ xub’ij che ri chakum chik uwach kumal ri wokaj ajchajinelab’ ri’ pa le q’atenik b’anoj k’ax ri’ are 16 974 chi b’anowem, rech xya’taj utzilal chi ke 310 787 chi winaqilal, pa taq le cholchajinem, ya’ltzijolil xuquje’ ruk’ taq b’anoj chomanem kuk’ ri winaqilal ri’.
Xuquje’ xub’ij we junab’ ri’ e k’o chik 4096 chi Servidores Cívicos ri ketajin che nimanem pa q’ateb’al k’ax ri’ pa le UPCV jeri’ pa le departamento rech Tránsito rech ri PNC.
Xuquje’ xub’ij che pa we junab’ ri’ chakum chik xuquje’ jachom ri’ 225 chi Taqanik pa taq Uq’ab’tinamit rech Q’ateb’al K’ax ri’ xuquje’ e k’o 3008 chi wokaj chi winaqilal rech taq tinamit ri’.
Chi rij ri b’anoj q’atenik ch’a’ojinem kumal winaqilal ri’, chi rij ri energía eléctrica, are ri’ chomam chik uwach pa taq Chinab’jul, pa Retalhuleu, Izabal, San Marcos xuquje’ Sololá ri’.
“Are wa’ xuya’ utzilal chi ke e 950 553 chi winaqil ri’ xuquje’ xchomax xq’atexik 450 850 uwach chi ch’a’ojinem”, xcha’ ri tercer viceministro.
Rumal ri’ xchomaxik ukojik pa jumul chik ri k’amsaqib’al pa Santa Cruz Barillas, Huehuetenango ri’, ri k’o chik lajuj junab’ ri, rech xub’an utzilal chi ke 127 991 chi winaqilal ri’.
Rumal ri’ eri coordinador rech UPCV, José Prado, xub’ij chi rij ri q’ateb’al k’ax b’anom ri’ pa le nab’e panik’aj uwach we junab’ ri’, pacha’ ri ya’ltzijolil ub’i’ Siempre Alertas, Cuida tu Bono 14, ruk’ ri Ferias rech Q’ateb’al b’anoj k’ax ri’ pa taq wokja rech pa nimatinamit, ri Ya’ltzijolil rech Q’atenik K’aqb’anem xuquje’ ruk’ ri b’anoj k’ax pa kachoch winaq xuquje’ chi ke ri ixoqib’ ri’.