Eri Ministerio rech Gobernación pa le kipatanil ri Unidades Especializadas rech ri Wokajil Ajchajil Tinamit (PNC) ketajin na che tzukunik pa le Parque Centenario rech ketajin che usolixik kitzijol nik’aj winaqib’ man k’ot kiwujil keraqataj pa qatinamit ri’.
We b’anoj tzukunem ri’ are xb’an ri’ rech xterenb’exik b’iw ub’ixik loq kumal winaqil ri’ xuquje’ rumal ri’ k’o jun tzukno’jchak xb’an chi kij ri’ rech xilik ri k’olib’em keraqataj wi’ pa uxo’l taq nimaja pa nimatinamit ri’.
Rumal ri’ xb’antaj kowinem xechapataj loq e 11 chi winaqib’ 7 hondureños chi ke xuquje’ 4 salvadoreños ri’ e are xechap b’i rech xek’am b’i pa le Instituto Guatemalteco rech Migración rech (IGM) rech xetaq b’i pa taq katinamit.
Eri tzukunem ya’olchajinik ri’ are xsolix ub’anik rumal taq ri q’atb’altzij rech ri wokajil ajchajil tinamit, chi’ k’ut xopan wi ri K’amal b’e, Edwin Ardiano, ri xe’usolij ri ch’ich’ xekoj pa le b’anoj tzukunem ri’ ri xetatb’en wi ri reqa’lenel ri División rech Seguridad Turística (DISETUR), ri Centro Transnacional Antipandillas (CAT), ri Inspectoría General (IG) xuquje’ ri INTERPOL, jacha’ kumal reqa’lenel ri comisaría 11 xuquje’ ruk’ utob’anik ri Q’atb’altzij rech pa Nimatinamit ri’ xuquje’ rumal ri Migración.
Eri xub’ij ri Ajtzijolinel ri wokajil ajchajil tinamit, Edwin Monroy eri b’anoj tzukunem ri’ are xb’anik k’a pa le jo’ob’ (5) rech octubre xuquje’ chi’ k’u ri’ xechap loq e 60 chi winaqib’ rech jalajoj taq tinamit ri man k’ot kiwujil rech kekanaj tane’ pa qatinamit ri’.