Pa jun b’anoj komonchak kumal ri tzukunelab’ rech ri Wokajil Ajchajinelab’ rech Ajq’atel Pandillas (DIPANDA), kuk’ ri reqa’lenel ajchajinelab’ rech ri comisaría rech Xe’laju’, ketajin k’a kamik ri’ che tob’anem chi ke ri e ajchajinelab’ ri Wokajil Japache’ Tz’apib’al (DGSP) ri’.
Eri tob’anem are kakib’an ri’ pa jun b’anoj tzukunem katajin ub’anik pa le Japache’ ri’ rech ri Granja Modelo rech Rehabilitación Penal Q’antel pa Xe’laju’.
Chi la’ k’ut, eri wokajil ajchajil tinamit chi’ xkiriq wi jo’ob’ chi chips, keb’ b’ilob’al ri’, keb’ xikinaj tzij, k’i wujil ruk’ rajilab’al taq ch’a’wib’alil kech winaq kakib’an k’ax chi ke, jeri’ k’o wuqub’ chi ch’a’wib’alil rech eqam xeriqik xuquje’ xepisik, are wa’ xjach pa kiq’ab’ reqa’lenel ri Ministerio Público ri’.