Rumal k’ut k’o wajxaqib’ ub’ixik loq kumal ri winaqil chi ke ri Wokajil Ajchajinelab’ e Ajq’atel Pandillas (DIPANDA) ri’ rech ri Wokajil Ajchajil Tinamit, chaq’ab’ ri’ xb’antaj kowonem xkichap e oxib’ chi winaqil aretaq ketajin che b’anoj toq’inik pwaq chi ke winaq ri’.
E k’o keb’ chi ke ri xechpataj ri’ pa le jun nimk’ayib’al, ri xch’ob’otaj kuwach e are ri’ jun ixoq ub’i’ Ofelia Floridas Toc Pérez 31 ujunab’ xuquje’ ruk’ achi ub’i’ Ronal Ezequiel Veliz Pirir 35 ujunab’, e are k’ut sib’alaj xkitoq’ij Q. 25 mil chi pwaq ri’ che jun ajk’ayinel chi’, xuquje’ k’o oxib’ chi ch’a’wib’alil ruk’ jun ch’ich’ tipo Taxi 9255, eri uplacas rech kab’inisaxik A950BCF ri’.
Xuquje’, pa le 2 calle xuquje’ 9 avenida zona 1, chi la’ xchapataj wi jun ixoq ub’i’ Kendra Guadalupe García González 30 ujunab’, ri tajin xutoq’ij Q. 200 chi pwaq ri’ chi taq wuqq’ij rech kaya’ che kachakun chi la’.
Eri nik’aj xechapataj ri’ xek’am b’i pa q’atb’al tzij ri’.