Aretaq xk’ut chi kuwäch ri Ajkalte ruk’ ri Ukomon Q’atb’al tzij ri’ rech kakoj chi’ ri Oficina Municipal rech Q’atel k’ax ri’, jun chi ke ri komon xub’ij wari’, ruk’ wa’ le Oficina ri’, k’o jun runimal chakub’al chi’ rumal ri Tercer Viceministerio ri’, xuka’mulij ub’ixik che sib’alaj utz ukojik le Oficina ri’ rumal k’ut are ke’utijoj ri rajchak ri’ xuquje’ rech k’o rachb’ilanik ri Ministerio rech Gobernación chi rij wari’.
Eri Ajkalte, xub’ij che are la’ utz we kakoj ri’ xuquje’ xub’ij chik che ri ch’ob’otal chak ri’ sib’alaj keta’max uwach chi la’ pa we q’ij kamik, rumal ri’ rajwaxik b’a’ qas kachomax kaya’ ri pwaqil rech tojb’al kapatanax pa jun chik junab’, rumal ri’ rajwaxik qas kach’ob’ik janipa’ chi pwaq kumaj ri, rech kab’an upatanaxik kumal rajno’jinelab’ ri Tercer Viceministerio rech Q’atenik k’ax ri’.
Kab’an jun che rech kach’ob’ kachomax uwach ri’
Eri Jasson Cabrera, Ajno’jinel ri’ aretaq xub’ij ri rutzilal wech ch’ob’otal chak ri’ are chi’ xub’ij che ri Oficina ri’ are la’ kumal uwach xuquje’ kuchomaj uwach ri rajilanem rech ub’anik ri b’anoj chomanem rech ya’olchajinem chi ke winaqilal xuquje’ rech b’anoj chomanem kuk’.
Xuquje’ ri Cabrera xub’ij, eri kachakux rumal le Oficina ri’ are kuwa’lijsaj ri ch’ob’oj ri chomanem chi la’ chi rij taq le tzijolil kamol uwach ri’ rech ya’el uchuq’ab’ ri kuchakux rumal ri tzukno’jchak rech Q’atel k’ax xuquje’ rech k’o ya’olchajinem kub’sib’al k’u’x ri’, rech kab’an le rilik kb’antajil ri winaqil ri kakipetisaj k’ax ri’, rech kilik jas le kakib’ano kakitzukuj kirajil xuquje’ ri keriqitaj pa k’ax ri’, rech kilik ri yab’ilem pa tinamit, ri b’anoj k’ax kamisan b’anom ri’, rech kilik jas le b’anoj riqoj ib’ kakib’an ri’ xuquje’ jas ri uwach kino’jalil kib’anb’alil ri’ xuquje’ jas ri b’anoj taq ya’olchajinem k’o ri’ rech uq’atexik ri b’anoj k’ax xuquje’ ruk’ nik’aj chik uwach ri’.