Pa le 30 rech diciembre ri’, eri reqa’lenelab’ ri Comisarías xuquje’ ri Unidades Especializadas rech ri Wokajil Ajchajil Tinamit (PNC), ketajin pa chajinem winaiql pa jalajoj taq k’olib’em pa rulewal qatinamit, rech uq’atexik taq ri b’anoj k’ax xuquje’ rech ri b’anoj kub’sib’al chajinem winaqil pa taq tinamit ri’. Are wa’ sib’alaj katajin ri’ uwach ri k’o pa le Choltaqanem ub’i’ Plan Operativo 39-2022 rech Chajinem pa Nimaq’ij Alaxib’al xuquje’ pa K’isb’al Junab’ ri’, ri taqom ub’anik rumal ri Wokom Taqanelab’ iximulew pa le upatanik ri Ministerio rech Gobernación (Mingob) ri’.
Eri wokajil ajchajil tinamit ri’ are xkojik rech ri chajinem solinik pa taq kak’owik winaq pa taq ch’ich’, rech kilik we keqam kiwujilal pa ucholajil ri e ajb’inisal ch’ich’ xuquje’ rech kilik we man k’ot ch’ich’ e eleq’am ri’. Xuquje’ rech uq’atexik taq itzel jastaq, awan kunb’al, k’aqb’alil ri’.
Xuquje’ xb’an ri puqchajinem pa rapapch’ich’ cho kaj pa taq helicópteros rech ri Unidad Aérea rech ri Ministerio rech Gobernación (Unagob), rech tob’anik chi ke ri ajchajinelab’ che ri ketajin pa chajinem tzukunik pa taq k’olib’alil che ri qas keriqitaj wi e ajb’anol k’ax che ri ke’ok ta wi ch’ich’, rumal ri’ eri q’atb’al tzij sib’alaj xkiya ub’ixik chi ke ri winaqil e aj iximulew rech chakib’ij b’a’ loq ri b’anoj k’ax kakilo kab’an ri’.
Rumal are wa’ xutaq ub’anik ri K’amal b’e Amaq’ Alejandro Giammattei xuquje’ rumal ri Ministerio rech Gobernación, David Napoleón Barrientos, eri chajinem katajin pa rapapch’ich’ pa kaqiq’ xuquje’ ri tajin che kaqan ri’ are la’ tajin usolixik kumal ri taqanel rech ri wokajil ajchajil tinamit, rech taqim ukub’isaxik ri chajinem chi ke ri winaqil ri’.
