Pa uterenb’exik ri b’anoj tzukno’jchak chi rij taq ri narcotráfico ri’, eri reqa’lenel ri Subdirección General de Análisis de Información Antinarcótica (SGAIA) rech ri Wokajil Ajchajil Tinamit (PNC), pa le kato’ik ri q’atol Tzij rech ri Ministerio Público (MP), xkib’an 32 chi tzukunem pa kachoch winaq k’o chi la’ pa Chinab’jul, pa Zacapa, pa Izabal xuquje’ pa Chiquimula. Eri tzukunem are xb’antaj chi paq’ij chi chaq’ab’ rech iwir.
Eri chakunem pa komon wokajilal ri’ are la’ xuya’ retalil rech xchapataj jun achi ub’i’ Luis Alberto Chacon Alvarado, alias Wicho Veneno; a Urbano de Jesús Linares Marroquín, a Miguel Ángel Díaz Morales, a Manuel Estuardo Cuellar Calderón, a Guilber Ramiro Palacios Molina, a Abner Rodery Castillo Castillo, a Marlon Noe Castillo Castillo, al María Fernanda De León Armas, ri Vemilde Exmaena Recinos Camposeco, xuquje’ a José Alfonso Palacios Molina ri’.
Ri chajinem pa wokajilal
Xuquje’ e k’o waqib’ chi reqa’lenel ri PNC xechapataj ri’ rumal k’ut xtaq kichapik, are uwach ri Chajinem Tajin pa Taqawokajil rech Transformación Policial xuquje’ rech ub’aik ri kesaxik b’i ri e itzel winaq pa le wokajil ri’.
Eri xechapataj e are kab’ixik xkib’an choman b’anoj k’ax, k’ayin awan kunb’al, xuquje’ b’anoj itzel taq loq’oj jastaq maj pa usaqil.
K’aqb’al xuquje’ awan kunb’al
Pa taq le kachoch winaq xtzukux upam taq chi la’ k’ut xriqitaj wi loq keb’ k’uqplunk’un, keb’ raqarik k’aqb’al, jun ch’itb’al nimpoq’sab’al, jun raqarik k’aqb’al, jun chik raqarik k’aqb’alil, jo’ob’ chi k’aqb’alil, lajuj chi b’ilob’al ub’aq’ ka’qb’al xuquje’ 863 ub’aq k’aqb’al utz kakojik, jun esab’al paq’sab’al, 14 chi poq’sab’al, wajxaqib’ ch’itb’al poq’sab’al, xuquje’ lajuj chi poq’sab’al ri’.
Xuquje’ xriqitaj keb’ pisob’al ruk’ cocaína, 18 chi k’olib’al ruk’ awan kunb’al ub’i’ crack, xuquje’ 29 chi k’olib’al rech t’im ruk’ cocaína.
Pwaqil xuquje’ jastaq meb’il
K’o Q109 mil 175, $63 mil 780 dólares americanos xriqitaj ri’, jun ch’ich’ rech kab’inisaxik, jun chakchik ch’ich’, keb’ kejach’ich’, keb’ chakchik ch’ich’ rech eqa’n, jun kejach’ich’ kajib’ raqan kesutunik, 16 chi ch’aweb’al rech eqam, xuquje’ k’i taq wujilal ri’.
Eri Taqanel rech Iximulew ri’ pa le ub’e’al uchakunik ri Ministerio rech Gobernación (Mingob), xkub’isaj ub’anik rech uq’atexik taq ri narcotráfico pa rulewal qatinamit.