Pawe kamik 15 rech junio ri’ eri reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xkichap pawe q’ij ri’ jun achi ub’i’ kab’ixik alias “Henche” ri’, are chi’ b’enaq pa jun ch’ich’ camioneta marca Nissan, ruk’ ri placas rech b’inisam circulación P-488FZL, pa le 9ª calle xuquje’ 12ª avenida rech ri zona 1 pa uk’u’x nimatinamit.
“Henche” ri’. K’a pa le 14 rech diciembre rech 2021 ri’ xtaq loq uchapik rech kab’e pache’ pa q’atb’al Tzij rech ri Corte Distrital rech ri Estados Unidos rech América rech ri Distrito Sur rech Florida, rumal wa’ ri b’anoj k’ax ri’:
Rumal xutaq b’i rech pa kak’ayixik jo’ob’ upajb’alil ri awan kunab’alil rech cocaína, pane’ b’a’ reta’m che are jun mak ub’anik wari’ ri b’anoj uk’ayixik pa Estados Unidos ri’, rumal ri’ xuq’ap utzij ri seccones 959 (a), 960(b9(1)(B) xuquje’ 963 rech ri Título 21 rech ri Código rech ri EE. UU.
Eri k’ax xb’antaj ri’
Jacha ri xch’ob rilik ri’ eri jun a Mérida Mazariegos ri’ are uwinaqil ri jun molaj b’anoj k’ax are kab’ixik e ajk’amel b’i awan kunab’alil pa enero rech 2005 k’a pa le diciembre rech 2021 ri’. Eri jun achi ri’ are kab’ixik xuloq’o xuquje’ xuk’ayij b’i ri cocaína kab’e Colombia rech xok’ow pa Centroamérica ri’ rech te k’u ri’ xq’ax b’i pa Méxcio rech xumaj ub’e xopan pa EE.UU ri’.
Eri ajchajinelab’ e antinarcóticos ri’ sib’alaj kichajim jun achi ub’i’ kab’ixik alias “Henche” rech xk’am b’i pa Torre rech Tribunales rech ri zona uk’u’x nimatinamit. Rech te k’u ri’ kataq b’i pa nimatinamit naj norteamericano ri’.
Eri chak ri’ kumal ri wokajil ajchajil tinamit are la’ xub’an upatan rech xb’antaj kowonem xechapik e 13 chi winaq extradibles ri’ pawe junab’ ri’, ruk’ ri jun achi ub’i’ alias “Henche”, e kab’lajuj chik ri e chapom rech e taqom b’i rumal k’o ri kimaj rech ri narcotráfico ri’ ruk’ jun chik uwi kimak xkib’an ri’.