Pa jun komonchak kumal ri reqa’lenel ri Centro Antipandillas Transnacional (CAT) rech México, El Salvador xuquje’ Guatemala, xub’an ri rech xeq’atataj nik’aj pandilleros salvadoreños ri kichapom kib’e rech keb’e pa Estados Unidos rech América ri’.
Eri tzijol xya’taj kumal ri q’atb’al Tzij mexicanas ri’, eri a José Wilber Rodríguez Herrera, 24 ujunab’, a Luis Gerardo Hernández Alfaro, 24 ujunab’, a Oscar Antonio Cortez Ramírez, 20 ujunab’, a Edwin Antonio Arevalo Vásquez, 25 ujunab’ xuquje’ a Carlos Ernesto Cruz Cruz, 25 ujunab’, alias Negro xuquje’ Gordo, are chi’ xkaj xe’opan pa le frontera ruk’ EE. UU., ri’ rech keto’ik kumal kawinaqil ri pandilla rech ri Barrio 18 Sureño rech ri jun clica Shadopar (SPLS) rech El Salvador ri’.
Eri q’atb’al Tzij xkib’ij eri nik’aj b’anol k’ax xechapik xek’am b’i pa le Frontera El Carmen, San Marcos, Guatemala, rech xejach b’i pa uq’ab’ ri CAT rech ri Wokajil Ajchajil Tinamit (PNC) rech ketaq b’i.
Ri taqom kichapik
Kab’ix k’ut eri a Rodríguez Herrera, taqom jun uchapik pa 2 rech diciembre rech 2022, rumal k’o pa molaj b’anol k’ax ri’, rumal ri’ xtaq loq uchapik rumal ri Q’atb’al Tzij Especalizado rech San Salvador.
Eri jun a Hernández Alfaro, a Cortéz Ramírez, k’o b’anoj k’ax kamisan winaq kib’anom, k’o awan kunab’al keqam xuquje’ kik’ayim, xuquje’ rumal xuwajo kib’.
Rumal ri’ xek’am b’i
E are ri wokajil ajchajil tinamit e aj iximulew xkiya kitzijol nik’aj winaq ri’ che ri xechap loq pa le frontera rech Valle Nuevo, Jalpatagua, Jutiapa, rech xejach b’i pa kaq’ab’ ri q’atb’al Tzij ri k’o apanoq.