Eri reqa’lenel ri Wokaj Ajchajinelab’ rech Q’atenik taq Pandillas (Dipanda) xuquje’ kuk’ ri rajchak ri Instituto Nacional rech Estudios Estratégicos rech Seguridad (INEES), xkib’an jun katijonem chi ke ri Sistema Nacional rech Seguridad che ri e umolom kuwach ri rajchakunel ri jalajoj taq wokajilal rech ri Organismo Ejecutivo ri’. Eri tijonem ri’ are kab’an pa le 17 rech agosto pa le rachoch tijob’al ub’i’ Escuela rech Especialidades rech ri Wokajil Ajchajil Tinamit (PNC), zona 6 rech uk’u’x nimatinamit.
Eri tijoniem ri’ are uwach ri Cholchak rech Tijonem rech ri Ub’anob’alil ri Transformación Policial, che ri taqom ub’anik rumal ri K’amal B’e rech Iximulew pa le uchakunik ri Ministerio rech Gobernación ri’ (Mingob).
Eri q’atb’al Tzij xkib’ij che ri jalajoj ub’anik taq elaq’ toq’inik pwaq chi ke winaq ri’ are uwach pa sik’inib’al chi ke winaq, are rech kakito apanoq kitzijol ri winaqil ruk’ ri kachalal xuquje’ ri kechakun wiri’, rech kakixib’ij ri winaq apanoq rech kakitoq’ij pwaq chi ke.
Xuquje’ xkib’ij chi k’o b’iw Tzij kitz’ib’am apanoq chi ke ri winaq rech kakixib’ij xuquje’ rech kakijito jastaq kach’akik chi ke xuquje’ kakitoq’ij che rajwaxik kech’aw pa jun ch’aweb’al ub’ixik che kakitaq b’i jun kijasaq sipam chi ke.
Eri jun chik kajo’saxik ri winaq kakib’ano are rech kakitaq b’i b’iw xib’inik chi ke ri winaq kakib’an chi ke: rumal ri’, eri q’atb’al Tzij kakib’ij chi ke ri winaqilal pa tinamit we k’a te’et kopan jun oqxa’n wuj kuk’, mejo’stajik rumal.
Sib’alaj rajwaxik we k’a te’et kakilo pa le uwachwuj pa kaqiq’ ub’i’ Facebook, WhatsApp, Telegram, Snapchat, YouTube, Twitter, Instagram xuquje’ TikTok tane’ are la’ kakikoj nik’aj b’anol k’ax rech kakil kitzijol ri winaqil; rumal ri’ rajwaxik b’a’ mak’ut panoq ub’ixik we rachib’al b’enaq at b’enaq wi xuquje’ we k’o xataloq’owik ri’.