Eri reqa’lenelab’ ri comisaría xuquje’ ri unidades especializadas rech ri Wokajil Ajchajil Tinamit (PNC) pa 4 rech septiembre ri’ xkib’an tzukunem pa taq nimab’e rulewal tinamit ri’ are la’ rech kaq’atexik ri b’anol taq k’ax ri’.
Pa le b’anom ri chajinem tzukunik ri’ eri e ajchajil tinamit keqam kitob’chakub’al rehc kakilo we man e k’ot winaq taqom kichapik, xuquje’ rech kakiq’atij ri ri jastaq maj pa usaqil rech are kakoj chi ke ri winaq kab’an k’ax chi ke pa tinamit. Xuquje’ rech xkilo kiq’axenik ri winaqil ri e b’enaq pa taq le ch’ich’ pa nimab’e pa tinamit.
Xuquje’ k’o puqchajinem tajin chi rij taq kejach’ich’ kumal ri e ajchajil tinamit chi rij taq nima’q taq rachoch k’ayib’alil, pa taq k’ayib’al pa tinamit, pa taq k’olib’al uxlanib’al pa tinamit, pa taq kitak’alib’al ri ch’ich’ xuquje’ pa taq k’ayij, ri “Pa te’et kab’an ri’” rech pa le kaq’atexik ri b’anoj k’ax, eri kiq’atatajik ri e ajb’anol k’ax are rumal ri chajinem winaqil tajin pa tinamit ri’.
Ri chajinem xb’antaj ri’
Pa le b’anob’al taq chajinem xb’antaj pa keb’ q’ij pa rulewal tinamit ri’, eri e ajchajil tinamit xkichap loq e 77 chi winaqil ri’ xuquje’ xkiriq loq 11 chi k’aqb’alil. Xuquje’ xkiriq keb’ ch’ich’ xuquje’ keb’ kejach’ich’ ri kab’ixik xa’ e eleq’am ri’.
Jachin karaj wexa’ k’o ri kutzuj loq pa le 110 rech ri PNC xuquje’ pa le 1561 rech Crime Stoppers ri’, rech are la’ wexa’ k’o ri kakiya loq ub’ixik ri winaqil pa tinamit chi rij taq b’anoj k’ax ri’. Eri b’iw b’ixik ri’ are la’ pa awalik kak’ul panoq kumal ri eqa’lenelab’ chajin tinamit.