Eri Taqanel rech ri Unidad rech Expertaje rech ri Wokajil Ajchajil Tinamit (PNC), Otto Marroquín, xuya utzijol che pa 27 rech septiembre, kamajtaj ri chak pa le uwuq chakuja rech solinem ch’ich’ pa San Marcos, ruk’ wa’ kataqixik kasolixik ri ch’ich’ kumal ri q’atb’al tzij.
“Rumal che rajwaxik kanimax ri Taqanem rech Kajek’ Ucholaj Resaxik ri Wujilal ri’, eri winaq che ri rajwaxik kakita resaxik kiwujil pa uwachwuj pa kaqiq’, rech te k’u ri’ eri expertaje ri’ kutaq b’i suk’ ruk’ ri ajchoq’e ri ch’ich’ rech katoq’axik uchomaxik Superintendencia rech Administración Tributaria (SAT)”, xcha’ ri a Marroquín ri’.
Pa le 31 rech agosto rech 2021 ri’, xmajtaj uq’ijol rech nimab’al uwach ri Taqnaem rech Simplificación rech Requisitos xuquje’ Trámites Administrativos ri’ (Decreto 5-2021 rech ri Congreso rech ri Amaq’ Iximulew ri’), rech kutoq’ij ujekik’ resaxik ri wujilal ri’ xuquje’ rech pa saqilb’anik ri uya’ik loq pa le jalajoj uq’ab’il rech ri Organismo Ejecutivo ri’.
Pa Izabal
Pa 4 q’ij rech agosto, xumaj uchak ri chakuja ri’ pa Moarales, Izabal ri’, ri e chapom wiri’ e 15 chi ch’ich’ ri k’o k’exom chi ke, rumal are ri’ ri qas kaq’alajinik rumal chi xa’ e eleq’am ri’ xuqje’ ri k’exom kirajilab’al xuquje’ ri Vin chi ke.
Ri tzijolil ri’
Eri q’atb’al Tzij xkib’ij che e chapom chik 110 chi ch’ich’ ri’ rumal k’o ri jarinaq xuquje’ k’exom che ri kiranch’ich’, ri k’o oksam pa le kichasis ri’, e k’o ri b’im che e eleq’am ri’ xuquje’ k’o esam k’exom chi ke ri’.
Rumal ri’ eri winaqil rajwaxik kakitaq usolixik wari’ pa le link https://expertaje.pnc.gob.gt/public/ rech ri kub’ij jas le uchomaxik kab’an ri’.
Jas le kesolix wiri’
Eri winaqilal rajwaxik kakita le rilik pa le sedes ri’:
Pa 13 avenida 13-36, Barrio Gerona, zona 1 rech pa nimatinamit.
Pa 8ª calle 0-143, zona 7 rech Xe’laju’.
Pa Calle le Hipódromo, Corral Chiquito, zona 8 rech Chinab’jul.
Pa 9ª calle 3-57, Barrio La Reforma, pa Zacapa.
Pa Calzada Virgilio Rodríguez Macal, Barrio El Pijul, pa aldea Santa Elena, Flores, Petén ri’.
Pa Aldea Las Flores, kilómetro 248 jurisdicción rech Morales, Izabal ri’.