Eri nimaq’ij rech pa k’isb’al junab’ eri q’atb’al tzij rech ri División rech Investigación, Desactivación rech K’aqb’alil xuquje’ Poq’sab’al (DIDAE) rech ri Wokajil Ajchajil Tinamit (PNC) xkimaj ub’anik pa le waqib’ q’ij rech noviembre rech xkimaj ujachik uk’utik uwach cholchak rech ya’olchajinem pa tinamit ub’i’ “Plan Belén 2023”.
Eri keb’ reqa’lenel ri DIDAE ri’ pa le rachoch ri Escuela Técnica Municipal rech Bomberos, k’o pa le Boulevard Liberación 11-20 zona 12 ri’ rech Iximulew, xkiya utzijoxik uwach ri cholchak ub’i’ “Plan Belén” ri’.
Xuquje’ xkib’an jun k’uttijonem chi rij ri ya’talil chi ke ri e ajtijol jastaq xquje’ ri e ajb’anol ya’olchajinem rech sik’paq’ xuquje’ rech maj jun riqon k’ax kak’ul tane’ are la pixb’anik xb’an chi ke ri k’amal b’e rech ri Dirección rech Atención xuquje’ Asistencia che ri Consumidor (DIACO), xuquje’ chi ke ri Policía Municipal, chi ke ri Ministerio rech Salud Pública xuquje’ Asistencia Social (MSPAS), chi ke ri Ejército rech Iximulew xuquje’ chi ke ri Coordinadora Nacional rech Q’atenik Riqon K’axk’onem (Conred) ri’.
Eri puqchajinem kumal ri wokajil ajchajil tinamit are xkilo we ri e ajk’ayinelab’ rech sik’paq’ e k’o pa taq k’ayij pa tinamit, we k’o ri kichakub’al rech q’atenik pora’n xuquje’ we k’o ri kiwujilal ri’ rech q’atenik riqon k’axk’onem ri’.
Eri q’atb’al tzij rech ri DIDAE xkitzuj che pa taq le q’ij ri’ xkib’an utzijoxik ucholajil ri cholchak chajinem ri’, rumal k’ut are kamajtaj ri chajinem ri’ pa le 20 rech noviembre xuquje’ rech kak’is pa diciembre rech pa junab’ ri’.