Ek’i ri taqawokajilal tajin kakitzukuj ri ak’alab’, ab’om alitom e sachinaq.
Eri Alerta Alba-Keneth ri are xok che jun nim chakub’al rajwaxik rech ke’uto’o ri taq ali, taq alas xuquje’ ri ab’om ri alitom ub’i’ chakuja ri’ (NNA). Pa le utzijolil tz’ib’atalik kumal ri q’atb’al tzij rech ri Subdirección General rech Investigación Criminal (SGIC) rech ri Wokajil Ajchajil Tinamit (PNC), pa junab’ ri’ e k’o 3846 chi ak’alab’ che ri e sachinaq xeriqitajik pa k’axk’olil xuquje’ e are k’ut xya kitzjolil pa le chakuja rech xb’ixik che xesach ri’. Eri chakuja ri’ are sib’alaj ke’utzuj ri’ ruk’ katob’anik rajchajinelab’ ri División Especializada rech Investigación Criminal (DEIC) ri’.
Eri b’anoj tzukunik ri’ kumal ri ajchajil tinamit are xmajtajik are chi’ eri tat nan rech ri NNA xkiya loq ub’ixik pa aninaqil chi ke ri wokajil ajchajil tinamit chi rij taq kisachik. Are chi’ kakiya wi b’ixi kitzijol xuquje’ ruk’ juntir retal retalil kib’antajil rech qastzij b’a’ ketzukuxik.
Eri e ajchajil tinamit xkib’ij ri’ che ri juyub’ tinamit che ri qas k’o e sachinaq ri’ are pa Nimatinamit Iximulew, pa Escuintla xuquje’ pa Xe’laju’.
Ri taqanik b’anom chi rij wari’
Jeri b’iw ub’ixik kitzijol ri’ are la’ k’o jun nim upatanib’al we k’o pa jun taqanem rech kanimax ketzukuxik. Rumal k’ut are la’ upatan ri Decreto Número 11-97 Taqanem Q’atan tzij rech ri Wokajil Ajchajil Tinamit. Pa le jun taqanik ri’ kaya wi ucholajil ub’ixik pa le Artículo 10 ri qas kupatanij ri chakuja wokajil, xuquje’ eri upatan chi ke are rech katob’anik xuquje’ rech kachajinik chi ke ri winaqib’ we keriqitaj pa k’ax ri kik’aslemalil.
Xuquje’ eri Decreto Número 28-2010, Taqanem q’atam tzij reh ri Sistema Alerta Alba-Keneth, are la’ k’o keb’ upatanib’al kanimaxik: Eri ak’alab’ ri’ e are ri’ qas ketzukux nab’e pa aninaqil rech kariqik xuquje’ rech kato’ik rech ke’esax pa k’ax, xuquje’ ri jun chik upatan wari’ are rech pa aninaqilem ri’, rech ketzukux pa nab’e’il kumal ri q’atb’al tzij che ri rajwaxik kakitzukuj kakiriqo xuquje’ e k’aslik kakiriq utz kuwach keriq ri’.
Eri kinan kitat e ak’alab’ e are kakiya b’a katzijoxik pa aninaqil wexa’ kesachik. Rumal ri’ e are k’ut rajwaxik ke’opanik kakiya ub’ixik chi ke ri q’atb’al tzij we xesachik. Rumal ri’ kaya ub’ixik chi ke rajwaxik ke’opan che ub’ixik pa taq ri subestaciones xuquje’ ri rachoch taq ri PNC, pa taq ri chakuja oficinas rech atencón permanente rech ri Ministerio Público xuquje’ pa taq ri q’atb’al tzij k’o pa taq ri tinamit rech ri Procuraduría General rech ri Nación (PGN). Xuquje’ rajwaxik kaya ub’ixik kitzjol pa le ch’aweb’al 1546, rech ri Unidad Operativa, xuquje’ pa le 110, rech ri PNC.
E 1351 chi ak’alab’ taq ala, taq ali xuquje’ e ab’om alitom e q’apoj e riqom chik pa nimatinamit Iximulew.
We k’o xriqitaj chi ke, rajwaxik eri nan tat uya’om ub’ixik rajwaxik kopanik uk’amom b’i ri alaj ala, alaj ali xuquje’ ri ab’om alitom, keqam ri wujil kitzijol ub’i’ (DPI), ri wujil rech kalaxib’al ya’tal rumal ri NNA, xuquje’ ri wujilal ya’om rumal q’atb’al tzij rech keto’ik xuquje’ e chijom ri’.
Eri eriqom
Eri kitzijolil ya’om rumal ri PNC are kub’ij ucholajil rumal ri k’ax xkik’ulmaj are chi’ xesach pa tinamit.
Pa nimatinamit rech Iximulew e k’o 1351
Pa Escuintla e k’o 289
Pa Xe’laju’ e k’o 319
Pa Alta Verapaz e k’o 215
Pa Chinab’jul e k’o 115
Pa Santa Rosa e k’o 184
Pa Petén e k’o 160
Pa Izabal e k’o 118
Pa San Marcos e k’o 111
Pa Suchitepéquez e k’o 117
Pa Jalapa e k’o 124
Pa Jutiapa e k’o 111
Pa Chimaltenango e k’o 114
Pa Chiquimula e k’o 93
Pa Retalhuleu e k’o 90
Pa Quiché e k’o 74
Pa Zacapa e k’o 37
Pa Sacatepéquez e k’o 48
Pa Baja Verapaz e k’o 62
Pa El Progreso e k’o 41
Pa Chuwi’me’qina’ e k’o 43
Pa Tz’oloja’ e k’o 30
Konojel e sachinaq e k’o 3846