Eri ub’e’al b’anoj cholchak tajin rumal ri K’amal B’e rech Iximulew pa le uchak reqele’n ri Ministerio rech Gobernación (Mingob) k’o jun nim q’atenik xkib’an chi ke ri narcotráfico pa le k’sib’al kajib’ junab’ chik pa rulewal qatinamit. Eri utzilaj chakunem tajin rumal ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) k’o jun nim q’atenik xb’an chi ke ri molaj b’anol k’ax ri’ are chi’ xriq ri awan jastaq kunab’al kuk’ ri rajil are Q14 mil 527 millones 103 mil 694.19 chi nim pwaqil.
Chi ke ri xb’antaj uq’atexik rumal ri taqawokaj amaq’il, are ri’ ruk’ ri 43 mil 563 chi upajb’alil awan kunab’al, cocaína, crack xuquje’ metanfetamina ri’. Xuquje’ eri tiko’nib’al awan kunab’al ri’ are xriq pa rulewal taq tinamit, pa ronojel k’o 73 millones 573 raqan ichak rech marihuana, amapola xuquje’ ichak tiko’n rech coca ri’.
Xuquje’ xq’atataj ri’ 2 mil 182.3 nim upajb’alil ri awan kunab’al ri’, ri are la’ kakoj che ub’anik nik’aj chik awan kunab’al, jeri’ xporoxik 22 narcolaboratorios xuquje’ xutilaxik 65 rajilab’al awam kq’ajib’alil e xik’ach’ich’, are xuya pa retalil chi k’o 90.25 rech rajilab’al jok’al ri xq’atataj chi ke ri xik’ach’ich’ che ri pa awalik keqaj chi’ pa rulewal tinamit.
Ri xriqik ri xechapik
Eri nik’aj molaj b’anol k’ax e k’o 6 mil 731 kawinaqil xechap chi ke rumal e k’o kiminom kib’ pa narcoactividad xuquje’ 116 uwinaqil taq narcotraficantes rech ketaq b’i pa Estados Unidos rech América. E k’o 1 mil 341 chi ch’ich’ xriqik, e k’o 26 chi xik’ach’ich’, 12 nima’q juyub’ ch’ich’ xuquje’ 822 chi k’aqb’alil, jeri’ xriqik Q22 millones 126 mil 929.20 chi pwaqil tinamit, k’o US $2 millones 720 mil 632.94, €48 mil 700 chi pwaqil rech naj nimatinamit xuquje’ ruk’ MX$3 millones 718 mil 562 chi b’otolik rech jun chik nimatinamit.