Eri reqa’lenelab’ ri Comisaría 62 rech ri Wokajil Ajchajil Tinamit (PNC) xkichap iwir e keb’ chi winaq elaq’omab’ keqam k’aqb’alil xe’opanik xkixib’ij ri winaq reh xkitoq’ij ral pwaq kiqajom chi re jun ixoq pa le barrio San Andrés, Dolores, Petén ri’.
Are k’ut ri jun achi ub’i’ a Javier Alonzo Franco, 32 ujunab’ xuquje’ a Erick Rodolfo López, 33 ujunab’, are chi’ xkilo xe’opan ri ajchajil tinamit xekanimajik pa jun ch’ich’ ruk ri placas rech kab’inisaxik P 588GWV, e are k’ut xb’antaj kowonem xechqap pa aninaqil kumal ri ajchajil tinamit chi la’.
Eri wokajil ajchajil tinamit xkiriq Q10 mil 400 chi pwaqil b’otolik, ruk’ oxib’ k’aqb’alil, lajuj nojisab’al ub’aq k’aqb’alil xuquje’ ruk’ k’i taq ub’aq’ k’aqb’al ri utz kakojik. Xuquje’ xriq 416 chi pimawuj rech esab’al pwaq, xuquje’ 37 chi tarjetas rech yab’al pwaq pa qojom, jeri’ xriq kib’i’ winaq ruk’ ri rech kachoch cholajisam pa wujilal qaraj e are ri kib’i’ ri winaq e toq’im che pwaq ri’.
Xuquje’ xriq jun ch’ich’ kab’inisaxik are la’ kojom pa le uk’amik ri ral pwaq pa qojom ronojel q’ij. Eri winaq xechapik xek’am b’i pa q’atb’al tzij rech kechomax chi rij ri k’ax xkib’ano.