Are chi’ xok che nim upatan ri Bernardo Arévalo xuquje’ ri Karin Herrera ri xok che nim k’amal b’e xuquje’ ukab’ k’amal b’e Amaq’il, xb’an ri jalitajem yab’al keqale’n ri’ ri q’atb’al tzij rech ri K’amoj Ub’e Amaq’ Iximulew. Te k’u ri’ xb’an ri Nim Ya’ik Eqale’nib’al chaq’ab’ rech ri 14 rech enero, ri patanelab’ xe’ok che ministro xuquje’ secretarios k’a pawe q’ij ri’ rech e are chik ri kechakun pa taq wokajil chakunem pa le kajib’ junab’ ri’.
Eri yab’al keqale’nib’al ri’ are xmajtajik qajib’al q’ij pa domingo 14 rech enero pa le Rachoch ri Taqanib’al pa Amaq’ ruk’ kokik ri e k’ak’ e taqo’nb’anonel pa tinamit xuquje’ xcha’ik rech xok che reqale’nibal ri diputado Samuel Pérez che uk’amol ub’e ri Organismo Legislativo, are ri xcha’ik kumal ri wokaj ajtaqo’ninelab’ ri’. Te k’u ri’ eri taqo’ninel xeb’e pa le Nimaja ub’i’ Gran Sala “Efraín Recinos” rech ri Centro Cultural “Miguel Ángel Asturias”, rech xkoj che reqale’n ri K’amal B’e Amaq’ Arévalo xuquje’ ri Ukab’ K’amal b’e Amaq’ Herrera ri’.
Are chi’, pa le nimaq’ab’ rech pa lunes 15 ri’, ri K’amal B’e Arévalo xuya reqale’n ri Francisco Jiménez rech xok che ministro rech Gobernación, pa le loq’ ilb’anem xb’an pa le Salón rech Recepciones rech ri Palacio Nacional rech ri No’j Nimatinamit ri’ chi kuwach konojel ri k’amal b’e rech taq nimatinamit pa uwachulew, kuk’ ri q’atol tzij rech taq nimawokajilal pa uwachulew xuquje’ kuk’ ri patanel rehc ri cuerpo diplomático keriqitaj pa qatinamit. Ruk’ ri Jiménez, e k’o oxlajuj patanelab’ xe’ok che k’ak’ taq ministros rech Amaq’, jeri’ e k’o xe’ok che keqale’n rech taq Secretarías xuquje’ e ajpatanel rech taq nik’aj chik wokajilal rech ri K’amal b’e Amaq’.
Chakuninaq pa chajinik tinamit
Eri k’ak’ Ministro sib’alaj xub’ij che ri chak ub’anom pa inteligencia civil rech pa le q’atenik ri molaj b’anol ri k’ax, rech chomanaq pa taq ch’a’ojilal ri’, pa ya’olchajinem winaqilal xuquje’ pa le uwokik ri joremal pa tinamit. Xuquje’ chakuninaq che ajno’jinel rech taq organizaciones internacionales rech taq chajinem.
Eri nim patanel ri’ xuquje’ resam jun licenciatura rech Filosofía pa le Nimatijob’al rech San Carlos rech Iximulew (USAC) xuquje’ resam jun ri licenciatura rech doctorado rech Filosofía rech ri Pontificia Universita Gregoriana pa Italia ri’.