Pa jun nim kojemtzij xb’an pa le salón Mayor rech ri Ministerio rech Gobernación, pawe q’ij 15 rech enero ri’ xya ri keqale’n ri k’ak’ k’amal b’e rech ri oxib’ uq’ab’il ri Taqawokajnem rech ri Ya’olchajinem pa Amaq’. Eri uchak ri’ are sib’alaj katob’anik rech ri ya’olchajinem kub’al k’u’x we q’ij kimik pa le kachajixik ri winaqilal. Eri uchakunem rajk’amol ub’e ri Mingob, Francisco Jiménez, sib’alaj k’o nim upatanib’al rech kuya utz’aqatil ri uchakunik ri’, rech ma are ta kub’an ri itzelal taqanem xuquje’ rech kub’an ta itzelal b’anoj k’ax che ri Wokajil Ajchajil Tinamit (PNC).
Eri Ministro xub’ij k’ut eri utaqanik ri k’amal b’e tinamit Bernardo Arévalo qas are wari’: kuq’atij ri qub’an elaq’nik pa wokajilal xuquje’ are rech kuwa’lijsaj uwach jun loq’ k’amoj ub’e utz jikom patan ri’. Are la’ xuya utzij kunimaj ub’anik pa le qatinamit ri David Custodio Boteo ri’ ri are k’ak’ k’amal ub’e ri PNC xuquje’ ri Helver Beltetón Moscoso ajk’amolub’e ri wokajil ajchajil tinamit. Eri keb’ patanel ri’ are la’ kakikub’isaj ri ya’olchajinem pa amaq’il, ri k’o nim tob’anik kuk’am ri’ pa le ukub’isaxik ri uk’amik ub’e ri wokajil ajchaji tinamit.
Pa le Taqawokajil Japache’ Tz’apib’al ri’ xok che rajk’amol ub’e ri Sergio Samuel Humberto Vela López xuqje’ xok che k’amol ub’e ri’ xuquje’ eri Cristian Misael López Morales, xok che subdirector general chi’. Pawe q’ij kimik xuquje’ xoksax ri uk’amol ub’e ri Inteligencia Civil. Eri yab’al keqale’n ri’ are k’o jun nim upatanib’al pa le nim cholchakunem ub’i’ Plan de Trabajo rech ri k’amal b’e nimatinamit Bernardo Arévalo, rech pa uq’ijol upatanem 2024-2028 ri’. Rech b’a are qas ya’tal ri’ jun utzilaj chakunem kanimaxik ri winaqilal, jeri’ pa le ya’olchajinem pa ronojel qatinamit.