Pa le 13 rech marzo ri’ kak’ul uq’ij ub’anik ri Uq’ijolil rech Maj B’anoj K’axk’olil chi kech ri Ak’alab’ rech pa le una’texik ri ka’xk’olil xb’an chi kech ri taq ala taq ali, rech una’texik ri k’axk’olil xuk’ulmaj ri a Nahamán Carmona, jun alaj ala ajb’inel ‘a pa tinamit ri xkamisaxik. Pa le q’ij ri’ kana’texik kumal taq ri wokajilal pa tinamit, pa rachoch taq tijob’al xuquje’ pa taq chakuja k’o rajchoq’e pa tinamit.

Pa le q’ij ri’, xmajtaj ub’anik ri ya’ltzijol ub’i’ “1,2,3 Cuéntalo”, ruk’ wa’ taqim uq’atexik ri b’anoj k’ak’olil chi kech ri ak’alab’il pa rachoch taq ri tijob’al rech qatinamit, rech wa’lijsab’al kuwach ri e ajtijoxel rech kaketa’maj uch’ob’ik ri b’anon k’axk’olil chi kech. Xuquje’ xkoj le 1510 rech kakib’ij uloq pa awalik chi’ ri k’axk’olil kab’an chi kech ri e ajtijoxel ri’ xuquje’ ruk’ juntir ri k’axk’olil kakiriq pa rachoch ta tijob’al.

Ri b’anon kemonchak ri’

Eri puq e ajno’jchakunel e are kakik’ul apanoq ri b’iw b’ixik uloq rech kakichomaj uq’atexik ruk’ ri Procuraduría General rech ri Amaq’il (PGN), ruk’ ri Secretaría rech Q’atenel Violencia Sexual, Explotación xuquje’ ri B’anon Ch’ijom K’axchak (SVET), xuquje’ ruk’ ri Instituto kech ri Víctima, kuk’ nik’aj chik wokajilal che ri ketob’an chi kech ri ak’alab’. Eri b’anoj kemonchak ri’ rech kuterenb’ej kato’ik ri winaqil che ri kakiriq ri b’anon k’axk’olil.

Are chi’ xutzijon ri Viceministra rech Prevención ri B’anon K’axk’olil, rech ri Ministerio rech Gobernación (Mingob). Mayda Alejanddra De León, sib’alaj xuya ub’ixik che pa kemonchak tajin uchomaxik rech uq’atexik wari’ kuk’ taq ri wokajil rech pa jikomal kek’oji ri e ajtijoxel pa rachoch taq tijob’al, rech kaq’alik ri b’anoj k’axk’olil ri’ ruk’ katob’anik pa kawokajil ri e ajtijoxel kuk’ ri wokajil ajchajin tinamit rech pa kub’alem kek’oji ri e ajtijoxel e aj iximulew.

Eri Ministra rech Educación, Anabella Giracca, sib’alaj xuya ub’ixik chi k’o jun nim upatanib’al ri tzijob’el chi kech ri e ajtijoxel rech kaya ri chakub’al rajwaxik rech uq’atexik ri k’axk’olil ri’, jeri’ rajwaxik ri tzijob’elil kuk’ ri e ajtijonelab’ xuquje’ chi kech ri tat nan rech uq’alik ri b’anon k’axk’olik rech kakiriq ta ri k’ax ri ak’alab’ ri taq ala ri taq ali rech qatinamit.

Eir majib’al ub’anik ri ya’ltzijol ri’, are ri’ xb’an pa le rachoch ri tijob’al ub’i’ Escuela Dolores Bedoya de Molina, zona 1 rech uk’u’x nimatinamit, xuquje’ ri e are jun xek’oji ri Rajk’amol Ub’e ri  Prevención rech ri Delito rech ri Wokaj Ajchajin Tinamit (PNC), Pablo Rodríguez ri’; ri Secretaria rech ri SVET, Dannisa Ramírez ri’, xuquje’ ri Coordinador General rech ri Unidad rech ri Prevención Comunitaria rech ri Violencia (UPCV), Nicolás Reanda ri’.