Eri Wokaj Ajchajinelab’ e Q’atenel taq ri Pandillas (Dipanda), rech ri Wokaj Ajchajin Tinamit (PNC) xuya ub’ixik, che pa le nab’e q’ij rech enero pa le oxlajun q’ij rech marzo rech pa junab’ ri’, kachoman uq’atexik ri toq’in pwaq chi ke winaq ri’.
Eri ub’ixikil xub’ij chi k’o 363 chi b’iw ub’ixik uloq kumal winaq che katojom ri toq’inik pwaq ri’, rumal ri’ xq’atataj 784 chi b’anoj k’ax ri’ chi kech winaq ri xkiya uloq ub’ixik xuquje’ ri xkita rech kechajix kumal reqa’lenel ri Dipanda.
Ri b’anoj k’ax ri’
Rumal ri’ k’a te xb’an kanoq k’i taq tzukunem pa k’i taq tinamit rech Iximulew rech kaq’atexik nik’aj e ajtoq’inel pwaq, rumal ri’ eri e ajno’jchak reqa’lenel ri División Especializada rech Investigación Criminal xuquje’ ri reqa’lenel ri Dipanda, xekowon che kachapik e 75 chi uwinaqil ri pandillas rech ri Barrio 18 xuquje’ ri rech ri Mara Salvatrucha (MS), chi rij taq ri k’ax xkib’an rech xkitoq’ij pwaq ri’, rumal xkib’an molaj b’anoj k’ax xuquje’ rumal xaq katajin xkitoq’ij pwaq chi kech ri winaqilal.
Chi rij ri puqchajinem xb’anik, eri ministro rech Gobernación, Francisco Jiménez, sib’alaj xuya ub’ixik che rajwaxik e k’iyalaj taq reqa’lenel ri PNC ketaqik rech man k’ot chik toq’inik pwaq kab’an chi kech ri winaqil pa taq ch’aweb’alil. Ruk’ ri b’anoj ri puqchajinem tzukunikm k’o k’i taq jastaq q’alajisab’al xriq uloq, are la’ rech katerenb’ex ub’anik ri tzukunik ri’.
Eri puqchajinem tzukunik are xb’an pa: Mixco, Villa Nueva xuquje’ Santa Catarina Pinula, Iximulew; jeri’ k’o xb’an pa taq ri tinamit rech San Marcos ri’, Chinab’jul ri’, Quiché ri’, Escuintla ri’, pa Chimaltenango ri’, pa Alta Verapaz ri’, pa Xe’laju’ ri’, pa Suchitepéquez, Sacatepéquez ri’, Retalhuleu ri’, pa Jutiapa ri’, pa Zacapa ri’, pa Santa Rosa xuquje’ pa Tz’olojya’ ri’.