Pa jun nim tzijolinem xb’an iwir, eri Ministro rech Gobernación, Francisco Jiménez xuya ub’ixik ucholaj ri kichapik xb’anik nik’aj winaq che ri e are kab’ixik xkiporoj jun ch’ich’ e reqam b’i winaq rulewal tinamit rech Escuintla ri’. Eri k’axk’olil xb’antaj ri’ pa le waqib’ q’ij rech marzo xuquje’ eri tzukunem are xuq’alajisaj jachin xeb’anoj ri jun nimak’ax chi la’.
Ri nim patanel ri’ rachib’il ri Viceministra rech Seguridad, Claudia Palencia; ruk’ ri Viceministro Administrativo, Felipe Sánchez, xuquje’ kachb’ilam ri Director General Adjunto rech ri Wokajil Ajchajin Tinamit, Helver Beltetón ri’.
Eri Ajtaqon Ya’olchajinem pa Amaq’ xuya ub’ixik, che are chi’ xb’antaj jun tzukunem kumal ajchajin tinamit, e oxib’ chi uwinaqil ri jun molaj b’anol k’ax xkichap uloq kib’i’ “Los de la C”, e are kab’ixik xkib’an ri k’axk’olil, rumal ri’ are xub’ij che rech kachomataj wari’, rumal ri’ sib’alaj rajwaxik xetaq ri jun puq reqa’lenel ri División Especializada rech Investigación Criminal (DEIC) xuquje’ kuk’ reqa’lenel ri Dirección General rech Inteligencia Civil (DIGICI) xuquje’ kuk’ reqa’lenel ri Dirección General rech Inteligencia Civil (DIGICI) ri rajwaxik xkikoj k’i taq b’anonem rech rilik wari’, rumal ri’ xekowon che uch’ob’ik kuwach nik’aj winaq xkib’an ri k’ax ri’ ruk’ jun chik k’ax kib’anom ri’.
Are chi’ xtzukutaj utzijolil ri’, pa saqarib’al rech ri q’ij jueves ri’ xechapataj pa rulewal tinamit rech Escuintla, nik’aj winaq kib’i’ a Ronal Eduardo G, 33 ujunab’; a Jorge Alberto R, 31 ujunab’, xuquje’ a Clementino dG, 59 ujunab’. E are kab’ixk xkib’an ri kamisan winaq ri’, xkib’an ri toq’inik pwaq xuquje’ xkiporoj ri ch’ich’ e reqam b’i winaq.
Ri xriqitaj ri’
Pa le tzukunem xb’anik xeriqitaj keb’ chi kejach’ich’ ruk’ ri placas rech ya’tal keb’inisaxik M637HXF xuquje’ M344KDZ; xuquje’ k’o jun hielera kaq kaka’yik are xilik pa taq ri videos rech chajinem, ruk’ atz’iyaqb’al che kakojom are chi’ xkib’an ri k’ax xuquje’ k’o ch’aweb’al xriqik are xk’am b’i kumal ri q’atb’al tzij rech kakitzukuj juntir utzijolil ri’.