Sib’alaj taqim k’ut kano’jixik ri e q’apojil ab’om alitom ri’ rech ketaqchi’x taj kumal ri e ajb’anol taq elaq’ pa uwachwuj ub’i’ redes sociales, rumal ri’ eri reqa’lenel ri Subdirección General rech Prevención rech ri Delito rech ri Wokajil Ajchajin Tinamit (PNC), xe’utijoj xe’upixab’ej e 200 chi ab’om alitom e ajtijoxel rech Retalhuleu.
Eri nab’e pixb’enik ri’ are xb’an pa le rachoch tijob’al ub’i’ Instituto Nacional rech Educación Básica, rech ri cantón Copepe, Retalhuleu ri’, chi’ k’u ri’ eri reqa’lenel ajchajin tinamit xkipatanij Runimal Cholchak rech Prevención Escolar, chi rij taq ri k’axk’olil qaraj kakik’ul pa le redes sociales ri’.
Xuquje’ xkitzijoj ub’ixik chi kech chi rij ucholajil ri ya’talil ri taq’alib’em chi kech ri e ajtijoxel rech ri básico ri’, are wa’ uwach ri b’anoj q’atenik ri k’ax.
Exploradores
Jeri’ pa jun k’olib’em etz’b’enik rechi ri aldea Payaque, Salamá Baja Verapaz, eri reqa’lenel e ajchajin tinamit xkichakuj uwach ri programa Exploradores Policiales ri’, chi’ k’ut xkiya wi ub’ixik chi ke ri ab’om alitom ri ucholajil reta’mab’alil b’anoj chajin tinamit, rech latz’im cholesan ib’, rech kakib’an jasq’ayinem kich’akul xuquje’ rech b’anoj nimab’al tzij pa tinamit.