Pa jun kemonchak tajin kumal ri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), xuquje’ ri Wokaj Ajchajil Amaq’ rech Iximulew ri’, xkiriq pa le nab’e q’ij rech marzo pawe q’ij kamik 3 mil 405 chi upajb’alil ri cocaína pa taq ri taq’ajil juyub’ rech escuintla, eri rajil xb’ixik are Q349 millones 835 mil 658 ri’.
le b’elejeb’ q’ij rech marzo, are chi’ eri Comando Naval rech ri Pacífico xuquje’ rumal ri SGAIA ri’ xkiriq uloq 945 chi upajb’alil chi cocaína ri’, eri rajil kab’xik are Q97 millones 090 mil 953 chi nim upwaqil.
Pa le ukab’ jukub’ ch’ich’ pa uwi palow xriqitaj pa uwi palow chi uchi’ ri Pacífico ri’, pa le 11 rech marzo, are chi’ xriq ulo 1 mil 367 chi upajb’alil ri cocaína, eri rajil kab’ixik are Q140 millones 447 mil 972.
Pa le 12 rech marzo ri’ xriqitaj uloq 284 chi upajb’alil ri cocaína, eri rajil kab’ixik are Q29 millones 178 mil 657 chi pwaqil ri’. xuquje’ k’a te xriq ri’. Pa le 15 rech marzo, xriqitaj uloq pa uwi palow chi uchi’ ri rulewal Iximulrew ri’, 8098 chi upajb’alil rech cocaína, eri rajil kab’ixik are Q83 millones 118 mil 075 ri’.
Eri q’atb’al tzij xkib’ij uloq che kamik ri’ riqom chik 3 mil 405 chi upajb’alil cocaína ri’, eri rajil kab’ixik are Q349 millones 835 mil 658 chi pwaqil.
Are wa’ ri chakunem q’atenik sib’alaj katajin rumal ri K’amal B’e Amaq’ rech Iximulew, pa le uchakunik ri Ministerio rech Gobernación (Mingob) rech pa uterenb’exik ya’ik uchuq’a’ ri q’atenik pa juntir ri narcotráfico ri’.