Pa ronojel k’o 2 mil 431 chi k’ak’ e ajchajin tinamit kakitunu kib’ pa le 15 rech marzo pa le Wokajil Chajin Tinamit (PNC), ri xkijikib’a’ ya’ik kitzij rech kakinimaj kakichajij ri winaqilal e aj iximulew, rech kakiya kib’ pa k’axk’olil che uchajixik uto’ik ri kik’aslemal ri winaqil ri’. Are wa’ jun nim b’anonem k’o nim upatanib’al pa le b’anon puqchajinem tzukunik xuquje’ rech qastzij b’a’ kakikub’isaj kachajixik ri winaqilal ri’.
Eri ministro rech Gobernación, Francisco Jiménez, are xuk’am ub’e ub’anik uya’ik kiwujilal ri eqa’lenelab’ xetijoxik, rumal ri’ xub’an jun nim umaltyoxixik chi kech ri e 2 mil chi k’ak’ e ajchajin tinamit ri xkikoj kichuq’ab’, xkiya kanima’, xkixe’j taj kib’ rech xetijoxik rech uk’amik ri keqale’n rech kek’oji pa ya’olchajinem winaqil, kachalal, jeri’ pa le wokajil chajin tinamit rech kechajin tinamit winaqil.
Enk’u ri rajk’amol ub’e ri PNC, David Custodio Boteo, sib’alaj xub’ij chi k’o jun nim upatanib’al ri chak kakib’an ri k’ak’ taq reqa’lenel ajchajin tinamit pa utoq’axik ri b’anon puqchajinem tzukunik ri’ pa b’anoj utzilal chi kech ri winaqilal e aj iximulew. Xub’ij k’ut utzijol ch eri jun kach’okib’al ri k’ak’ eqa’lenelab’ ri’, are la’ jun nim uch’akib’al che ronojel ri wokajil chajin tinamit, rumal k’ut sib’alaj utz ri kchak kakib’an ri’ pa le ub’anik toq’ob’ ya’olchajinem chi kech ri winaqilal xuquje’ pa le kato’ik ri winaqilal ri’.
K’amoj uchuq’ab’ ri wokajil chajin tinamit
Kuk’ ri 489 chi ixoqib’ xuquje’ kuk’ ri 1 mil 942 chi achijab’ rech ri ukak’al jo’lajuj puq k’ak’ taq e ajtijoxel rech e ajchajil tinamit, kuk’am uchuq’ab’ ri wokajil ri’ ruk’ kikojik ri 1 mil 942 chi eqalenelab’ pa rulewal taq tinamit. Eri k’ak’ e ajchajin tinamit ri’ e are xkitunu kib’ pa kowilaj tijonem xek’oji wiri’ pa le wajxaqib’ chi ik’al pa le nimatijob’al rech ri PNC, k’o pa zona 6 rech ri uk’u’x nimatinamit Iximulew, jeri’ xb’an pa taq rachoch nimatijob’al rech Santa Rosa xuquje’ rech Chinab’jul.
Pa q’ijol xek’oji pa le tijob’enik, eri 2 mil chi k’ak’ eqa’lenelab’ sib’alaj k’o nim xketa’amaj xkich’ob’o ri b’anon q’atenik k’axk’olil ruk’ ri k’axk’ob’enem pa tinamit, rech kek’oji kechoman kuk’ ri winaqilal, rech uch’ob’ik jas ri ya’talil chi ke taq ri ajchajin tinamit, rech b’anoj no’jilanik ri e ajchajin tinamit, rech kakich’ob’ ukojik ri tob’chakub’al rech q’aq’nil tzijolil, rech b’anon puqchajinem tzukunik, rech kakito’o kib’, ruk’ nik’aj chik eta’mab’alil. Xuquje’ xetijox chi rij nik’aj chik rajwaxik ch’ob’oj rech ya’ik kichuq’ab’ xuquje’ rech ri b’anon chajinem pa tinamit.