Eri K’amal b’e Amaq’, Alejandro Giammattei Falla, xuya’ loq ub’ixik che k’o b’anoj tzukunik katajin pa japache’ rech Chimaltenango xuquje’ pa Japache’ kech achijab’ rech ri zona 18, are wa’ uwach ri korlim ya’olchajinik katajin ri’, chi’ k’u ri’ xilotajik che k’o kuwach ri pandilleros kuk’ ri keb’ japache’ ri’, rech kakib’an b’anoj k’ax ri’.
Xuquje’ xuya’ ub’ixik che k’o jun awam ub’ixik xb’an pa le Ministerio Público ri’, che k’o b’anoj k’ax ri’ pa le Japache’ tz’apib’al rech ri Japache’, rumal k’ut eri e ajpache’ chi’ sib’alaj k’o utz taq jastaq kakikoj pa le japache’ ri’, are jun chi ke ri’ ri jn ajpache’ ub’i’ Eduardo Cano, are kab’ixik e k’o b’elejeb’ ajchajil tinamit xe’ukamisaj kanoq ri’.
“Xuquje’ kaqata’o jun b’anoj tzukunik rech kab’an pache’ ri’ chi’ k’u ri’ eri kakikol wi kijastaq ri e ajchajinelab’ ri’ xuquje’ pa taq ri jachakunb’al rech taq ri q’atb’altzij kechakun chi’” xcha’.
Eri Giammattei Falla, xub’ij che rumal ri’ ketajin che utzijob’exik rij ruk’ ri Finanzas Públicas, ri Ministerio Público xuquje’ ruk’ ri Ministerio rech Gobernación, rech kayakik jun nim japache’ tz’apib’al ri kunimaj ketz’apib’ wi ri e ajpache’ che ri qas k’ax kano’jil ri’.