Pa le uterenb’exik ri b’anoj uchakuxik ri cholchak rech nab’ejsab’al q’atel k’ax xuquje’ ri ya’olchajinik chi ke winaqilal che ri xtaq ub’anik rumal ri Ministerio rech Gobernación, rumal ri’ eri Wokajil Ajchajil Tinamit xuya’ loq utzijolil che pa taq le 27 chi comisarías xuquje’ pa taq nik’aj chik jachakunb’al rech ya’olchajinik, chi paq’ij chi chaq’ab’, pa we amaq’ tinamit e k’o 37 chi winaqil, e k’o 16 chi ke xechap loq pa le nimatinamit xuquje’ e k’o 21 chik pa taq le tinamit; xuquje’ e k’o e 21 xechap loq ri taqom kachapik rumal q’atb’altzij ri’.
Eri b’anoj k’ax che ri qas xkib’an e b’anol k’ax xya’taj k’ut ub’ixik kumal e ajchajil tinamit pa taq le tzukunem ya’olchajinik e k’o waqib’ ixoqib’ xechap loq xuquje’ k’o jun rumal karaj taj kuya’ kpwaqil e ralk’uwal, xuquje’ e k’o jo’ob’ chi achijab’ taqom kichapik rumal q’atb’altzij xechapataj loq.
Xuquje’, e k’o kajib’ achijab’ xechapik rumal keleq’am ri ch’ich’ kib’inisam aretaq xechapik xuquje’ e k’o oxib’ chik xeraqatajik ketajin che b’anoj elaq’ chi ke winaq pa tinamit xechapataj loq.
Eri chak r’ rumal ri Wokajil Ajchajil Tinamit are sib’alaj katajinik, are rech kakub’isax uwach ri ya’olchajinik chi ke ri winaqil e aj iximulew ri’.