Eri q’atb’altzij rech ri Subdirección General rech Investigación Criminal (SGIC) rech ri Wokajil Ajchajil Tinamit (PNC), sib’alaj xkiya’ loq ub’ixik che pa we junab’ ri’ e k’o e kajk’al (80) chi molaj e b’anol k’ax kekamisanik, ke’eleq’an winaq, e ajb’anol taq elaq’, jeri’ pa taqawokajil ri’, kuk’ ri kejo’snik kakeleq’aj pwaq xuquje’ ri e k’o pa narcotráfrico sib’alaj xkichap loq.
Jeri’ e k’o e ajb’anol k’ax chi ke ixoqib’, ri e ajpoq’san pwaq maj pa usaqil, ri kakeleq’aj kejch’ich’ xuquje’ ch’ich’ keb’inisaxik, ri kakib’an k’ax che kik’aslemal winaq, ri kamisanelab’, ri e ajk’ayil k’aqb’alil maj pa usaqil, ri kakiq’axaj jastaq loq pa we amaq’ xuquje’ e ajq’axel winaq pa amaq’ maj pa usaqil ri’, e are ri’ sib’alaj xechap kanoq.
Chi ke ri molaj e b’anol k’ax che ri sib’alaj xechap loq e k’o ri’ uwinaqil 705 chi molaj e b’anol k’ax chi ke ri winaqil e aj iximulew ri’ che ri utz kano’jib’al kechakunik.
Chi ke taq ri’ e k’o 705 xechap kanoq, chi ke ri’ e k’o 453 e achijab’ xuquje’ e k’o 252 chi ixoqib’ ri’ ri xek’am b’i pa q’atb’altzij chi rij taq ri b’anoj k’ax xkib’an ri’.