Pa le nab’e q’ij rech mayo, xmajtaj ri k’ak’ taqanem ri’ jacha ri xya utzijol ub’ixik pa le Acuerdo Ministerial 438-2023, rech kapatanexik uwach xuquje’ kakub’isaj uchajixik wuach ri nimab’e autopista Palín-Escuintla, rumal xk’is 25 junab’ ya’om pa uq’ab’ jun wokajil ri nimab’e ri’ kab’e pa taq’ajil juyub’ rech qatinamit.
Rumal wari’, eri Departamento rech Tránsito rech ri Wokajil Ajchajil Tinamit (DT-PNC) ruk’ ri Dirección General rech Protección xuquje’ Seguridad Vial (Provial) xuquje’ ruk’ Dirección General rech Transportes (DGT) ri’, eri rajawtzij rech kakib’an le rilik rech kanimax ub’anik ri kub’sib’alil pa nimab’e ri’ xuquje’ rech kakoj tojb’al chi kech ri kakinimaj ta le utzij ri Taqonatzij xuquje’ ri Retanib’al utzij ri Tránsito ri’.
Eri Taqawokajnel rech ri Ya’olchajinem pa Amaq’il xub’ij eri reqa’lenel ri DT-PNC xuquje’ Provial e are kakib’an ri chajiem pa taq le nimab’e ri’ rech maj jun ch’ich’ kuriq tane’ k’ax chi’ xuquje’ rech kakito’o ri kik’aslemal ri winaq e ajb’inisaxel ri’. “Chomtal chik rech kayak jun k’ak’ rachoch chajinem ri Tránsito chi’, ri ke’uq’i’o e 50 pa 60 chi eqa’lenel chajin tinamit”, xcha’.
Rumal ri’ eri Ministro sib’alaj xe’usik’ij ri winaqil tinamit rech pa nojimal b’a’ ke’ok’ow pa le nimab’e ri’ rech kakisolkopij ta kib’ kakiriq ta k’ax. Sib’alaj e chajim ri winaq chi’ rech kakinimaj kakirumumij ta kib’ chi’ xuquje’ xya ub’ixik ri’ chi k’o grúa kakoj chi’ rech ke’ujek’ej b’i ri ch’ich’ ketulij chi’.
Eri Taqa’amaq’ rech Iximulew pa le uchak reqele’n ri rech ri Ministerio rech Gobernación (Mingob) xuquje’ ruk’ ri Ministerio rech Comunicaciones, Infraestructura xuquje’ Vivienda (CIV) ri’, sib’alaj kakib’an ri’ chomanik chi rij chajinem upatanexik kab’an pa uwokajil ri’ rech b’anoj utzilem chi kech ri winaqil e aj iximulew ri’.