Eri q’atb’al Tzij rech ri Ministerio rech Gobernación (Mingob) ruk’ ri Ministerio rech Comunicaciones, Infraestructura xuquje’ Vivienda (CIV) ri’, xkiya ub’ixik ucholaj che paq’ij 30 rech abril, eri kamajtaj b’i ub’anik pa le nab’e q’ij rech mayo pa le nimab’e autopista Palín-Escuintla, rumal xq’aj pa uq’ab’ ri Taqa’amaq’ rech Iximulew.
Eri Taqawokajnel rech ri Ya’olchajinem pa Amaq’il, xub’ij eri wokaj chajinem chi’ are kaq’ax pa uq’ab’ ri Departamento rech Tránsito rech ri Wokajil Ajchajil Tinamit (DT-PNC), ruk’ ri Dirección General rech Protección xuquje’ Seguridad Vial (Provial) xuquje’ pa uq’ab’ ri Dirección General rech Transportes (DGT), rech kab’an ri kub’sib’al chajinem chi kech ri winaqilal pa le nimab’e kab’e pa taq’ajil rech qatinamit.
Eri Ministro rech Comunicaciones, Infraestructura xuquje’ Vivienda xub’ij che ri b’ano’n chajinem kub’sib’al k’u’x ri’ are la’ kab’an pa komon wokajilal, are rech kala’wchixik, kasolixik xuquje’ kab’an utz chech ri nimab’e ri’.
K’ak’ k’olib’em chajinik
Eri Ministro rech Gobernación xub’ij eri xchomataj ri’ are kakoj jun k’ak’ rachoch chajinem chi’ rumal ri Departamento rech Tránsito pa le kilómetro 52.5 rech ri nimab’e ri’, chi’ k’ut ke’uq’i’o e 60 chi reqa’lenel chajin tinamit.
Eri ajchajil tinamit kek’oji che chajinem pa le nimab’e ri’, rech kataqixik kesolixik ri e ajb’inisal ch’ich’ rech kakirumumij ta kib’ xuquje’ rech kakinimaj rech kub’sib’alj k’u’x kewa’kat chi’, xcha’ ri taqawokajnel.
Rajwaxik kanimax wa’
Rumal ri’, eri q’atb’al Tzij rehc ri DT-PNC kakisolij rech kanimaxik ri q’atom ub’ixik kab’anik pa le Acuerdo Ministerial 438-2023 ri’, rech keq’atexik ri nima’q taq ch’ich’ rech ke’ok’ow ta chi’. Xaq xu’ wri’ ya’tal chi kech ke’ok’owik ri ch’ich’ keqam b’i winaq, ri ch’ich’ rech pa aninaqil, ri rech chajinem pa tinamit xuquje’ ri e jik’ab’al ch’ich’, rumal are k’o ri kakipatanij pa le nimab’e ri’.
Xuquje’ kakoj ri’ chi’ K’olib’al Ya’olchajinem Tzukunik pa Komonchak Wokajilal rech kakilo we ri e ajb’inisal ch’ich’ kakik’owisaj taj 80 kilómetros uchuq’ab’ le ch’ich’ chi’. We jeri’ keniman taj k’o tojb’al kakoj chi kij jacha ri k’o pa le Taqanem Tzij xuquje’ pa le Reglamento rech Tránsito ri’.