Eri puqchajinem tzukunik xb’antaj kumal reqa’lenel ri Wokajil Ajchajil Tinamit (PNC) xuquje’ kuk’ ri reqa’lenel Ajchajil Amaq’ Iximulew pa jalajoj taq wokja xuquje’ pa uq’ab’ taq tinamit rech Iximulew, kchapom chik e 21 chi winaqil ri’ rumal xkib’an toq’inik pwaq, b’anoj kamisanik, elaq’nik xuquje’ b’anoj k’ax chi ke ixoqib’. Xuquje’ e k’o ch’ich’ xeriqitajik, k’o k’aqb’alil xuquje’ keb’ chi kejach’ich’ xechap ri’.
Pa konojel ri winaqil e chapom, keb’ xeriqitaj pa b’anoj k’ax xuquje’ e k’o 19 xtaq kchapik rumal q’atb’al tzij, chi ke ri’ e julajuj chi achijab’ xuquje’ e wajxaqib’ chi ixoqib’, xcha’ ri wokajil ajchajil tinamit.
Pa le b’anoj tzukunem ri’ xeriqitaj kitzijol e 7886 chi winaqil, 1741 chi ch’ich’, 4076 chi kejach’ich’ xuquje’ 22 chi k’aqb’alil. Xuquje’ xtaq kiwujil k’o pa saqil 8329 ri’ xuquje’ k’o 18 chi b’anoj tzukunem pa kachoch winaq xb’an ri’, rech pa uterenb’exik ri jalajoj uwach taq ri b’anoj utzukuxik ri’.
Eri tzukunem ri’ are la’ xb’antaj pa le uq’ijol ropanb’alil ri Plan 21-2022 rech “Seguridad Ciudadana” ri’ rumal ri Wokom Taqawokaj Iximulew xuquje’ rumal ri Ministerio rech Gobernación (Mingob), rech uq’atexik taq b’anoj k’ax chi ke ri winaqilal ruk’ kijastaq ri’.